ផ្ទុះ​ខ្លាំង​ទៀត​ហើយ!!! អ្នកគាំទ្រ​ចាប់​ផ្ដើម​ចែក​ចាយ​វីដេអូ​​ដែល Joao Felix ជ្រើសរើស​យក Messi ជា​កីឡាករ​ដែល​ហ្វ្រីឃីក​ល្អ​បំផុត​ក្នុង​ពិភពបាល់ទាត់

អ្នក​គាំទ្រ​បាន​ធ្វើ​ឲ្យ​វីដេអូ​មួយ​របស់ Joao Felix កំពុង​ត្រូវ​បាន​ផ្ទុះ​ឡើង​ជា​ថ្មី​ម្ដង​ទៀតដែល​វា​ជា​វីដេអូ​ដែល​កីឡាករ​របស់​ក្លឹប​តោខៀវ Chelsea រូប​នេះ បាន​ជ្រើសរើស​យក​កាពីតែន​ក្រុម​ជម្រើស​ជាតិ​អាហ្សង់ទីន Lionel Messi ជា​កីឡាករ​ស៊ុត​បាល់ហ្វ្រីឃីក​ដ៏​ល្អ​បំផុត​ដែល​គាត់​ធ្លាប់​បាន​ឃើញ។

យ៉ាង​ណា​មិញ Joao Felix មិន​បាន​ជ្រើសរើស​មិត្ត​រួម​សញ្ជាតិ​របស់​គាត់ Cristiano Ronaldo ឡើយ ខណៈ​ដែល​ខ្សែ​ប្រយុទ្ធ​សញ្ជាតិ​ព័រទុយហ្គាល់​រូប​នេះ ក៏​មាន​ស្ថិតិ​នៃ​ការ​ទាល់បាល់​ហ្វ្រីឃីក​ដ៏​អស្ចារ្យ​ផង​ដែរ។ ថ្មីៗ​នេះ Cristiano Ronaldo បាន​ស៊ុត​បាល់​ហ្វ្រីឃីក​បញ្ចូល​ទី​យ៉ាង​ល្អ​សម្រាប់​ព័រទុយហ្គាល់​អំឡុង​ពេល​ពួកគេ​យក​ឈ្នះ​លើ​ក្រុម Liechtenstein 4-0 នៅ​ក្នុង​ការ​ប្រកួត​បើកឆាក​យូរ៉ូ 2024 ខណៈ​ដែល Lionel Messi ​ក៏​បាន​ស៊ុត​បញ្ចូលទី​បែប​នោះ​ដូច​គ្នា​ដែរ ក្នុង​ជំនួប​មិត្តភាព​រវាង​អាហ្សង់ទីន​ឈ្នះ Panama 2-0។

ក្រៅ​ពី​ការ​ជជែក​ដេញ​ដោល​គ្នា​ពី​កីឡាករ​ល្អ​បំផុត​រវាង Lionel Messi និង Cristiano Ronaldo នោះ ថ្មីៗ​នេះ​អ្នក​គាំទ្រ​ក៏​បាន​ធ្វើ​ការ​ជជែក​គ្នា​ថា តើ​កីឡាករ​ទាំង 2 រូប​នេះ អ្នក​ណា​ដែល​​ទាត់បាល់​ហ្វ្រីឃីក​បាន​ល្អ​បំផុត។ ស្របពេល​ជាមួយ​គ្នា​នេះ​ដែរ វីដេអូ​របស់​មិត្ត​រួម​ក្រុម​ជម្រើស​ជាតិ​ព័រទុយហ្គាល់​របស់ Cristiano Ronaldo គឺ​កីឡាករ Joao Felix ត្រូវ​បាន​គេ​ចែកចាយ​យ៉ាង​កក្រើក​នៅ​លើ​បណ្តាញ​អ៊ីនធឺណេត ខណៈ​ដែល​តារា​ឆ្នើម​របស់​ក្លឹប​តោខៀវ Chelsea រូបនេះ​បាន​ជ្រើសរើស Messi ជា​អ្នក​ទាត់បាល់​ហ្វ្រីឃីក​ល្អ​បំផុត​ក្នុង​ពិភពបាល់ទាត់។

ប្រភព: Sportskeeda