Connect with us

បាល់ទាត់អន្តរជាតិ

ទោះ​បី Manchester United មាន​ទម្រង់​លេង​ធ្លាក់​ចុះ​ខ្លាំង តែ​លោក Jurgen Klopp នៅ​តែ​គិត​ថា បិសាចក្រហម​គឺ​ជា​ឧបសគ្គ​ធំ​មួយ

Published

on

ក្លឹប​ហង្សក្រហម Liverpool នឹង​ធ្វើជា​ម្ចាស់​ផ្ទះ​ទទួលក្រុម​ភ្ញៀវ Manchester United នៅ​រំលង​អាធ្រាត​យប់​នេះ ដែល​ជា​ការ​ប្រកួត​ដ៏​សំខាន់​មួយ​របស់​ក្រុមលោក Klopp សម្រាប់​បំណង​ទទួល​បាន 3 ពិន្ទុ ដើម្បី​មាន​ឱកាស​ប្រជែង​ពាន Premier League ជាមួយ​ក្លឹប​ Manchester City និង​ឡើង​ទៅ​កាន់​កំពូលតារាង​បណ្ដោះ​អាសន្ន។

ដោយ​ឡែក​ក្លឹប​បិសាចក្រហម Manchester United ក៏​ត្រូវ​ការ​ឈ្នះជា​ចាំ​បាច់​ផង​ដែរ ដើម្បី​ទទួល​បាន​ចំណាត់ថ្នាក់ Top 4 នៅ​តារាង Premier League ដែល​បច្ចុប្បន្ន​ជា​របស់​ក្លឹប​មាន់ខ្នាយ​មាស Tottenham។

Manchester United មាន​ទម្រង់​លេង​យ៉ាង​យ៉ាប់​យ៉ឺន ដោយ​ពួក​គេ​បាន​ឈ្នះតែ​ពីរ​ប្រកួត​ប៉ុណ្ណោះ ក្នុង​ចំណោម 8 ប្រកួត​ចុងក្រោយ​របស់​ពួកគេ ហើយ​វា​ពិត​ជា​ពិបាក​ណាស់​ក្នុង​ការ​យក​បី​ពិន្ទុ​ពី​ក្រុម​ខ្លាំង​ដូចជា Liverpool។

នៅពេល​មាន​សំណួរ​ទាក់ទង​នឹង Manchester United លោក Jurgen Klopp បាន​និយាយ​ពី​ទស្សនៈ​ផ្ទាល់​ខ្លួន​របស់​លោក​ថា “ជាក់ស្តែង​ខ្ញុំ​គិត​ថា Ralf Rangnick បាន​ព្យាយាម​រៀបចំក្រុម​ឡើង​វិញ មាន​រចនាសម្ព័ន្ធ​ច្បាស់លាស់​ជាមួយ​ក្រុម​ផងដែរ។… មាន​ការ​ប្រកួត​ខ្លះ Manchester United ពិត​ជា​លេង​បានល្អ​ណាស់។ ដោយ​សារ​ពួក​គេ​ជា Manchester United វា​ពិត​ជា​ពិបាក​ក្នុង​ការ​លេង​ទល់នឹង​ពួក​គេ, ខ្ញុំ​អាច​ស្រមៃ​រឿង​នេះ​បាន”។

ប្រភព: Metro

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២