បាល់ទាត់អន្តរជាតិ
Marcelo ប្រាប់ថា Messi ជាគូប្រជែងនៅលើទីលានប្រកួត ដែលគាត់ពិបាកតទល់បំផុត
ខ្សែការពារ Marcelo ដែលជាអតីតកីឡាករឆ្នើមមួយរូបរបស់ក្លឹបអធិរាជស Real Madrid បានចាត់ទុក Lionel Messi ជាគូប្រជែងដែលពិបាកទប់ទល់បំផុតនៅលើទីលាន ក្នុងចំណោមកីឡាករផ្សេងទៀតដែលគាត់ធ្លាប់ជួបនៃអាជីពបាល់ទាត់របស់ខ្លួន។ ខ្សែការពារសញ្ជាតិប្រេស៊ីលរូបនេះបានលេង 15 រដូវកាលជាមួយក្លឹប Real Madrid ហើយក៏បានតទល់គ្នានៅលើទីលានជាមួយ Messi មិនតិចដងផងដែរ ពេលដែលកីឡាករអាហ្សង់ទីននៅលេងឲ្យ Barcelona។
ថ្មីៗនេះគាត់បានសារភាពថា វាពិតជាលំបាកណាស់ក្នុងការប្រឈមមុខនឹងម្ចាស់ពាន Ballon d’Or 7 សម័យកាល Lionel Messi។ ដោយឡែកបច្ចុប្បន្ន Marcelo បានចាកចេញពី Real Madrid នឹងលេងនៅក្លឹប Fluminense FC ហើយខ្សែការពាររូបនេះប្រហែលជាអាចនឹងចូលនិវត្តន៍ពីបាល់ទាត់នៅពេលប៉ុន្មានឆ្នាំខាងមុខនេះផងដែរ។
Marcelo បានប្រាប់ The Athletic ថា៖ “Messi គឺជាគូប្រជែងដ៏លំបាកបំផុតដែលខ្ញុំធ្លាប់ជួប។ យើងទាំងអស់គ្នាដឹងពីគុណភាពដែលគាត់មាន សូម្បីតែពេលនេះគាត់មានអាយុ 35 ឆ្នាំក៏ដោយ ហើយពីមុនក៏ដូចគ្នាដែរ។ El Clasico តែងតែជាការប្រកួតដ៏ល្អបំផុតមួយ ក្នុងការទស្សនា និងលេង។ ខ្ញុំមានសំណាងគ្រប់គ្រាន់ ដែលបានបង្ហាញខ្លួននៅក្នុងយុគសម័យដ៏ល្អបំផុតមួយនៃ El Clasico។ ប៉ុន្តែមិនមែនត្រឹមតែ Messi នោះទេ មានកីឡាករផ្សេងទៀតក៏អស្ចារ្យផងដែរ”។
ប្រភព: Dailypost NG
Man City នឹងលក់ Joao Cancelo ទៅឲ្យ Barcelona ក្នុងតម្លៃ 40 លានអឺរ៉ូ
PSG គ្រងតំណែងជើងឯក Ligue 1 ជាលើកទី 11 ក្នុងប្រវត្តិសាស្ត្ររបស់ខ្លួន
ក្លឹប Al Nassr របស់ Cristiano Ronaldo បានបរាជ័យក្នុងការឈ្នះពាន Saudi Pro League នៅរដូវកាលនេះ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Cristiano Ronaldo រឺ Lionel Messi? នេះជាចម្លើយដែល Antony បានឆ្លើយ!!!
បែកធ្លាយ Kylian Mbappe កំពុងមានទំនាក់ទំនងស្នេហាជាមួយតារាម៉ូដែលកែភេទ Ines Rau
-
បាល់ទាត់អន្តរជាតិ1 day agoគ្រូ Real Madrid ប្រាប់ឈ្មោះខ្សែប្រយុទ្ធបីរូបដែលគាត់ចូលចិត្ត និងចង់ឲ្យក្លឹបចុះហត្ថលេខានៅរដូវក្ដៅនេះ
-
បាល់ទាត់អន្តរជាតិ2 days agoប្រធាន La Liga ថា កីឡាកររូបនេះនឹងក្លាយជាតារាឆ្នើមប្រចាំលីគអេស្ប៉ាញដូច Messi កាលពីមុន
-
បាល់ទាត់អន្តរជាតិ23 hours agoWorld Cup U-20 រកឃើញក្រុមមួយចំនួនដែលឡើងទៅកាន់វគ្គ 16 ក្រុមចុងក្រោយ
