Connect with us

បាល់ទាត់អន្តរជាតិ

Emerson Royal នឹង​ត្រូវ​ខកខាន​ការ​ប្រកួត​រហូត​ដល់​ចប់​រដូវកាល

Published

on

ក្លឹប​មាន់ខ្នាយមាស Tottenham Hotspur អាច​នឹង​ត្រូវ​បាន​បង្ខំ​ចិត្ត​ប្រកួត​ប្រជែង​ដោយ​គ្មាន​វត្តមាន​របស់ Emerson Royal រហូត​ដល់​ចុង​បញ្ចប់​នៃ​រដូវកាល​នេះ ដោយ​សារ​តែ​គេ​មាន​របួស​ជង្គង់។ ខ្សែការពារ​ស្តាំ​រូប​នេះ តែងតែ​ទទួល​បាន​ការ​រិះគន់​ជា​ញឹកញាប់​ពី​អ្នក​គាំទ្រ ចាប់​តាំង​ពី​បាន​ផ្ទេរ​ពី Barcelona មក​ទឹកដី​អង់គ្លេស ក្នុង​ឆ្នាំ 2021។

ទោះ​បី​ជា​យ៉ាងណា​ក៏ដោយ គាត់​នៅ​តែ​ព្យាយាម​បង្ហាញ​សមត្ថភាព​ឲ្យ​បាន​កាន់​តែ​ប្រសើរ​ឡើង និង​រហូត​បាន​ក្លាយ​ជា​កីឡាករ​សំខាន់​សម្រាប់ Tottenham Hotspur។ ប៉ុន្មាន​ប្រកួត​ចុង​ក្រោយ​នេះ Emerson បាន​បាត់បង់​ឱកាស​ក្នុង​ការ​បង្ហាញ​ខ្លួន​ជា​ជម្រើស​ដំបូង​សម្រាប់​ក្លឹប​របស់​ខ្លួន ខណៈ​ដែល​គ្រូ​បង្វឹក​បាន​ប្រើប្រាស់​ខ្សែការពារ Pedro Porro ជំនួស​វិញ។

ថ្វី​ត្បិត​តែ​បែប​នេះ​ក៏​ដោយ Emerson Royal នៅ​តែ​ត្រូវ​បាន​កោះហៅ​ឲ្យ​ចូល​ក្រុម​ជម្រើស​ជាតិ​ប្រេស៊ីល​សម្រាប់​ការ​ការ​ប្រកួត​មិត្តភាព​កាល​ពី​ពេល​ថ្មីៗ​នេះ​ជាមួយ​ម៉ារ៉ុក។ កីឡាករ​វ័យ 24 ឆ្នាំរូប​នេះបាន​បង្ហាញ​ខ្លួន​ក្នុង​ជម្រើស 11 នាក់​ដំបូង​នៅ​ក្នុង​ការ​ប្រកួត​នោះ តែ​បាន​រងរបួស​នៅ​នាទីទី 90 មុន​ពេល​ការ​ប្រកួត​បញ្ចប់​ទៅ​ដោយ​ប្រស៊ីល​បាន​ចាញ់​ម៉ារ៉ុក 2 ទល់នឹង 1។ របួស​របស់ Emerson Royal មាន​លក្ខណៈ​ធ្ងន់ធ្ងរ ដែល​តម្រូវ​ឲ្យ​គាត់​ត្រូវ​ការ​វះកាត់​ជា​ចាំ​បាច់ ហើយ​ក៏​ត្រូវ​សម្រាក​រយៈពេល​យូរ​ផង​ដែរ។

ប្រភព: Sportsmole

Click to comment

Leave a Reply

Your email address will not be published. Required fields are marked *

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២