បាល់ទាត់អន្តរជាតិ
Barcelona ត្រៀមលក់ Ansu Fati ខណៈដែលបិសាចក្រហម កំពុងចាប់អារម្មណ៍ខ្លាំង
ក្លឹបបិសាចក្រហម Manchester United ត្រូវបានគេរាយការណ៍ថា នឹងក្លាយជាបេក្ខភាពដំបូងគេក្នុងការចុះហត្ថលេខាលើតារាឆ្នើមមួយរូបរបស់ Barcelona គឺកីឡាករ Ansu Fati ដែលក្លឹបយក្សកាតាឡាន់មួយនេះ នឹងសម្រេចិត្តលក់គេចេញក្នុងអំឡុងពេលនៃទីផ្សារដោះដូរកីឡាកររដូវក្តៅខាងមុខ។
យ៉ាងណាមិញ កីឡាករវ័យ 20 ឆ្នាំ Ansu Fati បច្ចុប្បន្នកំពុងត្រូវបានផ្សារភ្ជាប់យ៉ាងខ្លាំងជាមួយនឹងការចាកចេញពី Camp Nou បន្ទាប់ពីបាត់បង់ឱកាសបង្ហាញសមត្ថភាពនៅលើទីលានប្រកួត និងជាពិសេសកាលពីពេលថ្មីៗនេះ ឪពុករបស់គេបានបង្ករជម្លោះជាមួយក្លឹប ដោយបានវាយប្រហារពាក្យសម្ដីចំៗទៅលើ Barcelona ពាក់ព័ន្ធនឹងការដែលមិនចាត់ទុកកូនប្រុសរបស់ខ្លួនជាកីឡាករសំខាន់។
នៅរដូវកាលនេះ កីឡាករសញ្ជាតិអេស្ប៉ាញ Ansu Fati បានបង្ហាញខ្លួន 38 ប្រកួត ប៉ុន្តែគាត់រកបានគ្រាប់តែ 6 គ្រាប់ និង Assists 3 ដងប៉ុណ្ណោះ។ គាត់នៅសល់កុងត្រារយៈពេល 4 ឆ្នាំទៀត ដើម្បីបន្តនៅក្លឹបបច្ចុប្បន្នរបស់ខ្លួន ប៉ុន្តែគាត់ប្រហែលជាមិនបន្តជីវិតនៅ La Liga ទៀតឡើយ។ យោងតាម SPORT បានឲ្យដឹងថា ក្លឹបមួយចំនួនរួមមាន Chelsea, Newcastle United និង Arsenal កំពុងតាមដានយ៉ាងដិតដល់នូវស្ថានភាពកីឡាករវ័យក្មេងរូបនេះ។ ទោះជាយ៉ាងណាក៏ដោយ របាយការណ៍បានអះអាងថា Manchester United នឹងក្លាយជាក្លឹបដែលមានភាគរយខ្ពស់បំផុត ក្នុងការចុះហត្ថលេខាលើ Fati ក្នុងអំឡុងទីផ្សារដោះដូរកីឡាករនៅចុងបញ្ចប់នៃរដូវកាលនេះ។
ប្រភព: Sportsmole
Mascherano ធ្វើជាគ្រូបង្វឹករបស់ Miami សំអាងលើ Messi និង Suarez?
ការសម្រេចចិត្តចុងក្រោយរបស់ Cristiano ចំពោះក្លឹប Al Nassr សម្រាប់ឆ្នាំ ២០២៥
អ្នកមកចែចូវ Vini JR ពី Real Madrid លើកនេះមិនក្រីក្រប៉ុន្មានទេ!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
