Connect with us

បាល់ទាត់អន្តរជាតិ

ចុង​បញ្ចប់​នៃ​រដូវកាល​នេះ Barcelona នឹង​ទទួល​បាន​ខ្សែ​បម្រើ​ឆ្នើម​មួយ​រូប ដោយ​មិន​ចំណាយ​ប្រាក់​ផ្ទេរ

Published

on

ក្លឹប​អ្នក​មាន​បុណ្យ Barcelona ត្រូវ​​បាន​គេ​រាយការណ៍​ថា បាន​ត្រៀមខ្លួន​រួចជា​ស្រេច ក្នុង​ការ​ផ្តល់​ជូន​កីឡាករ​មួយ​រូប​របស់​ក្លឹប Manchester City គឺ​ខ្សែបម្រើ Ilkay Gundogan នូវ​​កុងត្រា​រយៈពេល 2 ឆ្នាំ សម្រាប់​ការ​ផ្ទេរ​ទៅ​កាន់ទឹកដី Camp Nou នៅ​រដូវក្តៅ​ខាង​មុខ​នេះ។

យ៉ាង​ណា​មិញ​កីឡាករ​សញ្ជាតិ​​អាឡឺម៉ង់​រូប​នេះ នឹង​ផុត​កុងត្រា​ជាមួយ Manchester City ក្នុង​រយៈពេល​ប៉ុន្មាន​ខែ​ខាង​មុខ​នេះ ហើយ​គាត់​នឹង​ក្លាយ​ជា​កីឡាករ​ដែល​គ្មាន​តម្លៃ​ខ្លួន។ គាត់​នឹង​មិន​បន្ត​កុងត្រា​ថ្មី​ជាមួយ​ក្លឹប​ម្ចាស់​ជើង​ឯក Premier League ឡើយ ហើយ​នឹង​ចាក​ចេញ​នៅ​ចុង​បញ្ចប់​នៃ​រដូវកាល​នេះ ដើម្បី​ចូលរួម​ជាមួយ​ក្លឹប​យក្ស​កាតាឡាន់ Barcelona។

ដោយ​ឡែក Barcelona ត្រូវ​បាន​គេ​ដឹង​ថា ពេញ​ចិត្ត​នឹង Ilkay Gundogan ជា​ខ្លាំង ដោយ​គាត់​ជា​កីឡាករ​ដែល​មាន​ទម្រង់​លេង​ដ៏​ល្អ និង​មាន​ប្រាក់​ពលកម្ម​មិន​សូវ​ខ្ពស់ ដែល​សាកសម​ក្នុង​ការ​នាំ​យក​មក​ពង្រឹង​នៅ​តំបន់​ខ្សែបម្រើ​របស់​ពួក​គេ ជា​ពិសេស​គឺ​មក​ជំនួស Sergio Busquets ដែល​ត្រៀម​ចាកចេញ​ពី​ទឹកដី​អេស្ប៉ាញ។

ប្រភព: Sportsmole

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២