បាល់ទាត់អន្តរជាតិ
Luis Enrique កំពុងនៅទីក្រុងឡុងដ៏ ចរចាតំណែងជាគ្រូបង្វឹករបស់តោខៀវ Chelsea
លោក Luis Enrique ត្រូវបានគេរាយការណ៍ថា កំពុងស្ថិតនៅក្នុងទីក្រុងឡុងដ៍ ដោយគ្រូបង្វឹកសញ្ជាតិអេស្ប៉ាញរូបនេះនឹងជួបពិភាក្សាជាមួយក្លឹបតោខៀវ Chelsea ជុំវិញតំណែងជាគ្រូបង្វឹកថ្មីនៅ Stamford Bridge។ បច្ចុប្បន្នតោខៀវ មិនទាន់រកបានគ្រូបង្វឹកថ្មីនៅឡើយទេ បន្ទាប់ពីពួកគេបានធ្វើការសម្រេចចិត្តបណ្តេញលោក Graham Potter ចេញពីតំណែងកាលពីចុងសប្តាហ៍មុន។
មានគ្រូបង្វឹកជាច្រើន ដែលត្រូវបានគេសន្និដ្ឋានថា អាចនឹងទៅដឹកនាំនៅ Chelsea ដែលគ្រូបង្វឹកទាំងនោះមានដូចជា Julian Nagelsmann, Frank Lampard, Jose Mourinho និងចុងក្រោយគឺលោក Luis Enrique។ យ៉ាងណាមិញលោក Julian Nagelsmann ទើបតែបាត់បង់ការងារនៅ Bayern Munich ក៏កំពុងមានទំនាក់ទំនងយ៉ាងខ្លាំង ជាមួយនឹងតំណែងនៅតោខៀវ ខណៈដែលមានការអះអាងផងដែរថាលោក Frank Lampard ក៏អាចនឹងត្រឡប់ទៅក្លឹបចាស់របស់គាត់វិញដូចគ្នា។
ដោយឡែកយោងតាមពត៌មានចុងក្រោយមួយរបស់ Jigantes FC បានអះអាងថា លោក Luis Enrique បានមកដល់ទីក្រុងឡុងដ៍ហើយ ជាមួយនឹងអ្នកតំណាងរបស់គាត់ ដើម្បីពិភាក្សាចរចា ជុំវិញការក្លាយជាអ្នកជំនួសតំណែងរបស់លោក Graham Potter។ លើសពីនេះទៅទៀតអ្នកកាសែតជនជាតិអ៊ីតាលី Fabrizio Romano ក៏បាននិយាយនៅលើគណនី Twitter ផ្លូវការរបស់គាត់ដែរថា គ្រូបង្វឹកអេស្ប៉ាញរូបនេះ 100% គឺចាប់អារម្មណ៍ចំពោះការទៅដឹកនាំតោខៀវ Chelsea។
ប្រភព: Sportsmole
-
បាល់ទាត់អន្តរជាតិ2 days ago
Philipp Lahm ទស្សន៍ទាយក្រុមដែលនឹងឈ្នះពាន Euro ឆ្នាំនេះ!!!
-
បាល់ទាត់អន្តរជាតិ2 days ago
Alexander Isak មិនយកចិត្តទុកដាក់ក្នុងការចង់ចាកចេញពីក្លឹបបច្ចុប្បន្នរបស់ខ្លួនឡើយ!!!
-
បាល់ទាត់អន្តរជាតិ2 days ago
Barcelona កំពុងពិចារណាលក់កីឡាករជាច្រើនដើម្បីយកលុយទិញ Haaland