បាល់ទាត់អន្តរជាតិ
Ajax ត្រៀមនាំយក Van de Beek ត្រឡប់ទៅវិញ នៅចុងបញ្ចប់នៃរដូវកាលនេះ
ក្លឹបកំពូលនៃប្រទេសហូឡង់ AFC Ajax ត្រូវបានគេរាយការណ៍ថា កំពុងចាប់អារម្មណ៍ក្នុងការនាំយកខ្សែបម្រើ Donny van de Beek របស់ក្លឹបបិសាចក្រហម Manchester United ត្រឡប់ទៅវិញ ក្នុងអំឡុងពេលទីផ្សារដោះដូរកីឡាករនារដូវក្តៅ ចុងបញ្ចប់នៃរដូវកាលនេះ។
យ៉ាងណាមិញ កីឡាករវ័យ 25 ឆ្នាំរូបនេះ គឺជាកីឡាករដែលប្រសូត្រចេញពីថ្នាលយុវជនរបស់ក្លឹប Ajax ហើយត្រូវបានប្រូម៉ូតឡើងមកលេងជាមួយក្រុមឈុតធំលើកដំបូងនៅឆ្នាំ 2016។ បន្តពីនោះមក គាត់បានក្លាយជាកីឡាករដ៏សំខាន់របស់ក្លឹប និងមានឱកាសបង្ហាញខ្លួនសរុបរហូតដល់ 175 ប្រកួត មុនពេលផ្លាស់ទៅ Old Trafford ក្នុងឆ្នាំ 2020។
ដោយឡែក សម្រាប់ក្លឹបបិសាចក្រហម Van de Beek បានបង្ហាញខ្លួនត្រឹមតែ 60 ប្រកួតប៉ុណ្ណោះ នៅគ្រប់ការប្រកួតទាំងអស់របស់ក្លឹប។ គាត់បានព្យាយាមយ៉ាងខ្លាំង ក្នុងការប្រជែងតំណែងជាជម្រើសដំបូងរបស់ Manchester United ប៉ុន្តែគាត់រកបានគ្រាប់បាល់ស៊ុតបញ្ចូលទីត្រឹមតែ 2 គ្រាប់ និង Assists 2 ដងប៉ុណ្ណោះ ក្នុងចំណោម 60 ប្រកួតនោះ។
កីឡាករសញ្ជាតិហូឡង់ រូបនេះបានខ្ចីជើងទៅ Everton កាលពីរដូវកាលមុន ហើយបានត្រឡប់មក Old Trafford វិញ នៅរដូវកាលនេះ។ យ៉ាងណាខ្សែបម្រើរូបនេះ មានឱកាសបង្ហាញខ្លួននៅលើទីលានប្រកួតតិចតួចបំផុត ជាមួយនឹងទម្រង់លេងមិនសូវល្អ បូករួមទាំងរបួសជាញឹកញាប់ផងនោះ។ ទន្ទឹមនឹងនេះដែរ យោងតាមគេហទំព័រ Football Insider បានឲ្យដឹងថា អតីតក្លឹបចាស់របស់គាត់ AFC Ajax នឹងព្យាយាមចរចាចុះហត្ថលេខាលើកីឡាកររូបនេះ ត្រឡប់ទៅប្រទេសកំណើតរបស់ខ្លួនវិញនៅចុងបញ្ចប់នៃរដូវកាលនេះ។
ប្រភព: Sportsmole
Sergio Ramos ចូលរួមក្លឹបថ្មីនៅមិកស៊ីកូ ពាក់លេខ 93 ដោយសារមូលហេតុនេះ
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
