បាល់ទាត់អន្តរជាតិ
Chelsea នឹងពិចារណានាំយក Carlo Ancelotti ទៅដឹកនាំ ប្រសិនបើគ្រូបង្វឹករូបនេះចាកចេញពី Real Madrid
ក្លឹបតោខៀវ Chelsea អាចនឹងពិចារណានាំយក Carlo Ancelotti ត្រឡប់ទៅ Stamford Bridge វិញ ក្នុងនាមជាគ្រូបង្វឹកថ្មីរបស់ពួកគេ ប្រសិនបើគ្រូបង្វឹករូបនេះសម្រេចចិត្តចាកចេញពី Real Madrid នៅរដូវក្តៅ ចុងបញ្ចប់នៃរដូវកាលនេះ។ បុរសវ័យ 63 ឆ្នាំរូបនេះកំពុងស្ថិតក្រោមកុងត្រានៅ Bernabeu រហូតដល់ចុងបញ្ចប់នៃរដូវកាលក្រោយ ប៉ុន្តែអនាគតរបស់គាត់កំពុងស្ថិតក្នុងភាពមិនច្បាស់លាស់ បន្ទាប់ពីទម្រង់លេងរបស់ក្រុមមិនមានភាពល្អប្រសើរជាងរដូវកាលមុន។
លោក Carlo Ancelotti បានដឹកនាំ Real Madrid ឲ្យឈ្នះពាន La Liga និង UEFA Champions League កាលពីរដូវកាលមុន ប៉ុន្តែនៅរដូវកាលនេះ ពួកគេហាក់ដូចជាត្រៀមនឹងប្រគល់ពានលីគកំពូលក្នុងស្រុកទៅឲ្យ Barcelona ទៅហើយ បន្ទាប់ពីក្រុមទាំង 2 បានដាច់ពិន្ទុគ្នារហូតដល់ 10 ពិន្ទុ។
ទន្ទឹមនឹងនេះដែរ ប្រសិនបើ Real Madrid បរាជ័យក្នុងការដណ្តើមពានក្លាយជាម្ចាស់ជើងឯក UEFA Champions League នៅរដូវកាលនេះ លោក Carlo Ancelotti ត្រូវបានគេគិតថា នឹងចែកផ្លូវគ្នាជាមួយក្លឹបបច្ចុប្បន្នរបស់ខ្លួន។ ដូច្នេះហើយ គ្រូបង្វឹកសញ្ជាតិអ៊ីតាលីរូបនេះ អាចត្រូវបានពិចារណាសម្រាប់ការត្រឡប់ទៅ Chelsea វិញ ដែលជាក្លឹបខ្លួនធ្លាប់ដឹកនាំកាលពីអំឡុងឆ្នាំ 2009 ដល់ 2011។
ប្រភព: Sportsmole
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
