បាល់ទាត់អន្តរជាតិ
Pep Guardiola ប្រាប់ពីភាពខុសគ្នារវាង Haaland, Messi និង Cristiano Ronaldo
ថ្មីៗនេះគ្រូបង្វឹករបស់ក្លឹបមេឃខៀវ Manchester City លោក Pep Guardiola បានលើកឡើងពីភាពខុសគ្នារវាង Erling Haaland និងតារាឆ្នើម 2 រូបទៀតគឺ Lionel Messi និង Cristiano Ronaldo។ យ៉ាងណាមិញ Haaland បានស៊ុតបញ្ចូលទីគ្រាប់ទី 30 របស់គាត់នៅ Premier League រដូវកាលនេះ នៅក្នុងការប្រកួតដែល Manchester City បានយកឈ្នះ Southampton 4-1 កាលពីថ្ងៃសៅរ៍សប្ដាហ៍នេះ។
ការប្រកួតរដូវកាលនេះមិនទាន់បញ្ចប់ឡើយ ប៉ុន្តែកីឡាករវ័យ 22 ឆ្នាំ Erling Haaland រកបានគ្រាប់បាល់សរុបរហូតដល់ 44 គ្រាប់ នៅគ្រប់ការប្រកួតទាំងអស់របស់ក្លឹប។ ដោយឡែកសម្រាប់ Messi និង Cristiano Ronaldo មានគ្រាប់បាល់ច្រើនជាង 800 គ្រាប់ក្នុងអាជីពរបស់ខ្លួន តែកីឡាករឆ្នើមទាំងពីររូបនេះមានអាយុច្រើនជាង 30 ឆ្នាំទៅហើយ។
ទន្ទឹមនឹងនេះដែរ លោក Pep Guardiola បានអះអាងថា Haaland ដែលជាកូនក្រុមរបស់គាត់មានផ្លូវវែងឆ្ងាយបន្តទៀត ដែលអាចឈានដល់កម្រិតដ៏អស្ចារ្យដូចកីឡាករទាំងពីររូបនេះ។ យ៉ាងណា គ្រូបង្វឹករូបនេះនៅតែផ្ដោតសំខាន់ថា Messi ជាកីឡាករដ៏ល្អគ្មានអ្នកណាដូចដដែល។ Pep Guardiola បាននិយាយថា៖ “ខ្ញុំគិតថា Messi គឺជាកីឡាករពេញលេញជាងគេ។ គាត់អាចលេងនៅកន្លែងណាក៏បានដោយសារគាត់យល់ពីការប្រកួត។ ពីរនាក់ទៀត Cristiano Ronaldo និង Haaland គឺដូចជាម៉ាស៊ីនរកគ្រាប់បាល់។ ប៉ុន្តែ Haaland ក៏បានដឹងដែរថា វីរបុរសទាំងពីរ (Messi និង Cristiano Ronaldo) ស្ថិតក្នុងភាពអស្ចារ្យរយៈពេលពីរទសវត្សរ៍មកហើយ មិនមែនត្រឹមតែមួយឆ្នាំនោះទេ”។
ប្រភព: Dailypost
Leicester City ឡើងមកឈរនៅកំពូលតារាង និងត្រៀមឈ្នះពាន Championship
Barcelona ចង់ចុះហត្ថលេខាលើខ្សែបម្រើរូបនេះ ដើម្បីសន្សំសំចៃការចំណាយ
អតីតអ្នកចាំទីក្រុមជម្រើសជាតិអាហ្សង់ទីនមួយរូប ត្រូវបានពិន័យមិនឲ្យចូលលេង 11 ប្រកួត
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
