បាល់ទាត់អន្តរជាតិ
Barcelona ត្រៀមរាប់លុយដែលទទួលបានពី Lecce សម្រាប់លក្ខខណ្ឌខ្ចីជើង Samuel Umtiti
ក្លឹបអ្នកមានបុណ្យ Barcelona ត្រូវបានគេដឹងថា នឹងត្រៀមទទួលបានប្រាក់រង្វាន់ 500,000 អឺរ៉ូពីក្លឹប Lecce នៅក្របខ័ណ្ឌ Serie A បន្ទាប់ពី Samuel Umtiti បានបង្ហាញខ្លួនជាជម្រើសដំបូងក្នុងការប្រកួតលើកទី 15 របស់គាត់សម្រាប់ក្លឹបមួយនេះ កាលពីថ្ងៃសុក្រសប្ដាហ៍មុន ពេលប្រកួតជាមួយនឹងក្រុមកំពូលតារាង Napoli (នេះបើយោងតាមការចុះផ្សាយរបស់ Calciomercato)។
យ៉ាងណាមិញ Samuel Umtiti បានចូលរួមជាមួយ Lecce ក្នុងលក្ខខ័ណ្ឌខ្ចីជើងកាលពីរដូវក្តៅឆ្នាំមុន ប៉ុន្តែនៅពេលនោះ ការចាកចេញរបស់ខ្សែការពាររូបនេះមិនធ្វើឲ្យ Barcelona ទទួលបានប្រាក់ពីការខ្ចីជើងនេះឡើយ ហើយត្រូវបង្ខំចិត្តឲ្យក្លឹបយក្សកាតាឡាន់ចរចាជាកញ្ចប់ប្រាក់រង្វាន់ដែលសរុបចំនួន 1.5 លានអឺរ៉ូជំនួសវិញ។ ក្នុងចំណោមលក្ខខណ្ឌនៃការទទួលបានប្រាក់រង្វាន់នោះមានលក្ខខណ្ឌមួយដែលកំណត់ថា ប្រសិនបើ Umtiti បង្ហាញខ្លួនជាជម្រើសដំបូងបាន 15 ប្រកួត នោះក្លឹប Lecce នឹងត្រូវផ្ដល់ទឹកប្រាក់មួយចំនួនសម្រាប់ Barcelona។
ខ្សែការពារសញ្ជាតិបារាំងដែលស្ទើរតែត្រូវបាន Barcelona បំភ្លេចចោលរូបនេះ បានធ្វើឲ្យអាជីពបាល់ទាត់របស់គាត់មានពន្លឺឡើងវិញនៅក្លឹបថ្មី Lecce។ Umtiti បានបាត់មុខរយៈពេលមួយឆ្នាំ ដោយសាររបួសជង្គង់ធ្ងន់ធ្ងរ ហើយឥឡូវនេះគាត់អាចនឹងចាកចេញពី Barcelona ក្រោយពេលចប់ភារកិច្ចខ្ចីជើង ខណៈដែលក្លឹប Lecce ពេញចិត្តនូវសមត្ថភាពរបស់គាត់ ហើយពួកគេមានថវិការគ្រប់គ្រាន់ក្នុងការទិញផ្ដាច់កុងត្រារបស់គាត់ នៅចុងបញ្ចប់នៃរដូវកាលនេះ។
ប្រភព: Barcablaugranes
-
បាល់ទាត់អន្តរជាតិ2 days ago
UEFA កំពុងពិចារណាដាក់ពិន័យបន្ថែម លើខ្សែការពារ Ronald Araujo របស់ Barcelona
-
បាល់ទាត់អន្តរជាតិ2 days ago
Kylian Mbappe រាប់ចូលក្នុងបញ្ជីឈ្មោះកីឡាករដែលស៊ុតបញ្ចូលទីច្រើនជាងគេក្នុងប្រវត្តិសាស្ត្រ UEFA Champions League
-
បាល់ទាត់អន្តរជាតិ2 days ago
PSG លុត Barcelona 4-1 ឡើងទៅកាន់វគ្គពាក់កណ្ដាលផ្ដាច់ព្រ័ត UCL (មានវីដេអូ)