Connect with us

បាល់ទាត់ជាតិ

Tiffy Army សម្រេច​បញ្ចប់​កុងត្រា​របស់ ឡុង​ ម៉េងហាវ មុន​កំណត់ ក្រោម​ហេតុផល​ហឹង្សា​ដោយ​ចេតនា នៅ​ក្នុង​ការ​​ប្រកួត

Published

on

កាល​ពី​ប៉ុន្មាន​នាទី​មុន​នេះ ក្លឹប​បាល់ទាត់ Tiffy Army FC (សមាគម​កីឡា​បាល់ទាត់ ខ.ភ.ម) បាន​ចេញ​សេចក្ដី​ប្រកាស​ជា​ផ្លូវការណ៍​អំពី​ការ​សម្រេច​បញ្ចប់​កិច្ច​សន្យា​របស់​ខ្សែបម្រើ ឡុង​ ម៉េងហាវ មុន​កំណត់ ក្រោយ​ពេល​ដែល​កីឡាករ​រូប​នេះ​បាន​ប្រើហឹង្សា​ដោយ​ចេតនា​នៅ​ក្នុង​ការ​ប្រកួត​ជាមួយ​ក្លឹប​គីរីវង់​សុខសែនជ័យ កាល​ពី​ថ្ងៃ​ទី 8 សប្ដាហ៍​មុន។

ការ​ប្រកួត​ដ៏​ចម្រូង​ចម្រាស់​រវាង​ក្លឹប​ទាំង 2 បាន​បញ្ចប់​ទៅ​ក្នុង​លទ្ធផល 1 ទល់នឹង 0 ខណៈ​ដែល Tiffy Army FC គឺ​ជា​អ្នក​​ទទួល​បាន​ជ័យ​ជំនះ។ ទោះ​ជា​យ៉ាង​ណា​ក៏​ដោយ ក្រោយ​ចប់​ការ​ប្រកួត អ្នក​គាំទ្រ​ជា​ច្រើន​បាន​សម្ដែង​ការ​មិន​ពេញ​ចិត្ត​ជា​ខ្លាំង​ចំពោះ​ទង្វើ​ដែល​កីឡាករ ឡុង​ ម៉េងហាវ បាន​បង្ករ​ឡើង ដោយ​វា​ជា​ហឹង្សា​ហួស​ពី​ដែន​កំណត់​នៅ​ក្នុង​វិស័យ​កីឡា​បាល់ទាត់។

ដើម្បី​បង្ហាញ​ពី​ការ​គោរព​ចំពោះ​សហព័ន្ធ ក៏​ដូច​ជា​ការ​ឆ្លើយ​តប​ចំពោះ​អ្នក​គាំទ្រ ពេល​នេះ​ក្លឹប Tiffy Army FC បាន​សម្រេច​បញ្ចប់​កុងត្រា​របស់ ឡុង​ ម៉េងហាវ ហើយ។ ក្លឹប Tiffy Army FC បាន​​ប្រកាស​ថា៖ “ក្នុង​នាម​ថ្នាក់​ដឹកនាំ​ក្លឹប មិន​គាំទ្រ​ដាច់​ខាត​ចំពោះ​អំពើ​ហឹង្សា​ដោយ​ចេត​នា​ណាមួយ​ដែល​ជា​គម្រូ​មិន​ល្អ សម្រាប់​វិស័យ​កីឡាបាល់ទាត់​កម្ពុជា។ យើង​ខ្ញុំ​សូម​ប្រកាស និង​សម្រេច​បញ្ចប់​កិច្ចសន្យា​រវាង​ក្លឹប ជាមួយ​នឹង​កីឡាករ​ខាង​លើ​នេះ (ឡុង​ ម៉េងហាវ) ចាប់​ពី​ពេល​នេះ​ត​ទៅ…”។

ប្រភព: Tiffy Army FC

Click to comment

Leave a Reply

Your email address will not be published. Required fields are marked *

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២