បាល់ទាត់អន្តរជាតិ
Fede Valverde សារភាពប្រាប់ប៉ូលីសថា ខ្លួនពិតជាបានស្ទាក់វាយ Alex Baena ពិតមែន
ខ្សែបម្រើ Federico Valverde របស់ក្លឹបអធិរាជស Real Madrid ត្រូវបានគេរាយការណ៍មកថា បានវាយដំទៅលើកីឡាករ Alex Baena របស់ក្លឹប Villarreal កាលពីថ្ងៃសៅរ៍សប្ដាហ៍មុន បន្ទាប់ពីការប្រកួតរវាងក្លឹបទាំង 2 ដែលជាការប្រកួតក្នុងក្របខណ្ឌ La Liga ហើយ Real Madrid បានចាញ់ Villarreal 2 ទល់នឹង 3។
Valverde ត្រូវបានគេចោទប្រកាន់ពីបទប្រើហឹង្សាដោយចេទនាទៅលើ Alex Baena នៅក្នុងតំបន់ចំណតឡានក្រុង ក្នុងទឹកដី Santiago Bernabeu។ យោងតាមអ្នកកាសែតអេស្ប៉ាញលោក Edu Aguirre បានឲ្យដឹងថា ប៉ូលីសបានតាមដានលម្អិតអំពីហេតុការណ៍នេះ ហើយកីឡាកររបស់ក្លឹប Real Madrid ក៏បានសារភាពថា គាត់ពិតជាបានវាយទៅលើ Alex Baena មែន។
ដើមហេតុនៃរឿងនេះគឺកើតឡើងដោយសារ Alex Baena បានប្រមាថ Valverde អំពីកូនប្រុសដែលរលូតរបស់គាត់ ក្នុងអំឡុងពេលនៃការប្រកួត Copa del Rey របស់ Real Madrid ជាមួយ Villarreal កាលពីខែមករាកន្លងទៅ។ Alex Baena បានធ្វើរឿងស្រដៀងគ្នានេះម្តងទៀត ក្នុងអំឡុងការប្រកួតម្សិលមិញនេះ ជាហេតុធ្វើឲ្យ Valverde ទប់កំហឹងលែងបានតែម្ដង។ យោងតាម GOAL បានឲ្យដឹងថា Baena ត្រូវបានគេប្រទះឃើញមានស្នាមជាំ និងហើមថ្ពាល់ បន្ទាប់ពីរឿងនោះកើតឡើង។
ខណៈពេលដែលប៉ូលីសកំពុងស៊ើបអង្កេតអំពីឧបទ្ទវហេតុនេះរបាយការណ៍ពី Diario AS បង្ហាញថា ទាំងក្លឹប Villarreal និង Baena មិនបានចោទប្រកាន់ទោសទណ្ឌអ្វីលើ Valverde ទេ។ មានន័យថា កីឡាករសញ្ជាតិអ៊ុយរូហ្គាយរូបនេះ គួរតែអាចចូលលេងបានជាធម្មតាក្នុងជំនួបរវាង Real Madrid ដែលត្រូវស្វាគមន៍ Chelsea នៃការប្រកួត UEFA Champions League ថ្ងៃទី 19 ខាងមុខនេះ។
ប្រភព: Sportskeeda
Mascherano ធ្វើជាគ្រូបង្វឹករបស់ Miami សំអាងលើ Messi និង Suarez?
ការសម្រេចចិត្តចុងក្រោយរបស់ Cristiano ចំពោះក្លឹប Al Nassr សម្រាប់ឆ្នាំ ២០២៥
អ្នកមកចែចូវ Vini JR ពី Real Madrid លើកនេះមិនក្រីក្រប៉ុន្មានទេ!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
