បាល់ទាត់អន្តរជាតិ
Camavinga ប្រាប់ឈ្មោះកីឡាករដែលអាចឈ្នះ Ballon d’Or ឆ្នាំនេះ
ខ្សែបម្រើ Eduardo Camavinga របស់ក្លឹបអធិរាជស Real Madrid បានគាំទ្រមិត្តរួមក្រុមរបស់ខ្លួន Karim Benzema សម្រាប់ការឈ្នះពាន Ballon d’Or ឆ្នាំនេះ។ នៅពេលត្រូវបានសួរថា តើ Benzema អាចឈ្នះ Ballon d’Or មួយទៀតរឺអត់? ពេលនោះ Camavinga បានឆ្លើយតបតាមរយៈ RMC Sport ថា៖ “ពិតណាស់។ គ្មានហេតុផលអ្វីដែលមិនអាចទៅរួចទេ។ ប្រសិនបើគាត់នៅតែបន្តបង្ហាញទម្រង់លេងដូចពេលនេះ ប្រាកដណាស់គាត់អាចនឹងទទួលបានពាននេះមួយទៀត”។
គួររំលឹកផងដែរថា Karim Benzema បានឈ្នះ Ballon d’Or កាលពីឆ្នាំមុន ដែលជាការឈ្នះលើកដំបូងក្នុងអាជីពបាល់ទាត់របស់ខ្លួន។ ពេលនោះគាត់បានយកឈ្នះសម្លេងឆ្នោតរបស់ Sadio Mane និង Kevin de Bruyne។ យ៉ាងណាមិញ ទោះបីជារដូវកាលនេះគាត់ទទួលរងការញុំាញីដោយសារបញ្ហារបួស ប៉ុន្តែទម្រង់លេងរបស់ខ្សែប្រយុទ្ធវ័យ 35 ឆ្នាំរូបនេះ នៅតែល្អប្រសើរដដែល។
ថ្មីៗនេះគាត់បានស៊ុតបញ្ចូលទី Hat-trick ពេលប្រកួតតទល់នឹង Barcelona ហើយបាននាំក្លឹបអធិរាជស Real Madrid ឡើងទៅកាន់វគ្គផ្ដាច់ព្រ័ត Copa del Rey ថែមទៀតផង។ រដូវកាលនេះ គាត់បានស៊ុតបញ្ចូលទីបាន 25 គ្រាប់ និងបញ្ជូនបាល់ឲ្យមិត្តរួមក្រុមរបស់ខ្លួនបាន 6 ដង។
ប្រភព: Dailypost NG
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
ទីបំផុតរកឃើញក្រុមដែលឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ UCL ហើយ
ខ្សែប្រយុទ្ធដ៏ឆ្នើមរបស់ Dortmund បំបែកកំណត់ត្រារបស់ Salah នៅ UCL
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
