តើ​ក្លឹប​ណា​ខ្លះ ដែល​ធ្លាប់​ឈ្នះពាន UEFA Champions League ច្រើន​ជាង​គេ?

ការ​ប្រកួត​ក្របខណ្ឌ UEFA Champions League គឺ​ជា​ការ​​ប្រកួតដែល​ត្រូវ​​បាន​គេ​ចាត់​ទុក​ថា ធំ​បំផុត​ក្នុង​កីឡា​បាល់​ទាត់​អាជីព​កម្រិត​​ក្លឹប។ ពានរង្វាន់ UEFA Champions League បាន​ចាប់​ផ្តើម​បង្កើត​ឡើង​ដំបូង​នៅ​ឆ្នាំ 1955។ ក្នុង 5 រដូវកាល​ដំបូង ក្រុម​ដែល​អាច​ចូលរួម​ប្រកួត​បាន គឺ​ត្រូវ​ជ្រើសរើស​ដោយ​ទស្សនាវដ្តី​បាល់ទាត់​បារាំង L’Equipe។

ក្រុម​មក​ពី​ប្រទេស​អេស្ប៉ាញ​បាន​ឈ្នះ​ពាន​នេះ ដ៏​ច្រើន​មិន​គួរ​ឲ្យ​ជឿ​សរុប​រហូត​ដល់ 19 ដង ដែល​ធ្វើ​ឲ្យ​ពួកគេ​ក្លាយ​ជា​ស្តេច​នៃ​ពាន UCL ដែល​មិន​អាច​ប្រកែកបាន។ ក្រុម​មក​ពី​​អង់គ្លេស​ឈរ​​នៅ​​លេខ​រៀង​ទី 2 ដោយ​បាន​ឈ្នះ​ជើងឯក 14 ដង ខណៈ​ក្រុម​មក​ពី​អ៊ីតាលី​ឈ្នះ​បាន​ 12 ដង។ ខាង​ក្រោម​នេះ យើង​នឹង​ក្រឡេក​មើល​ក្លឹប​កំពូលៗ​ទាំង 10 ដែល​មាន​ពាន UEFA Champions League ច្រើន​ជាង​គេ​ក្នុង​ប្រវត្តិសាស្ត្រ។

10. Porto (ឈ្នះបាន 2 ដង នៅ​ឆ្នាំ 1987 និង 2004)

9. Juventus (ឈ្នះបាន 2 ដង នៅ​ឆ្នាំ 1985 និង 1996)

8. Inter Milan (ឈ្នះបាន 3 ដង នៅ​ឆ្នាំ 1964, 1965 និង 2010)

7. Manchester United (ឈ្នះបាន 3 ដង នៅ​ឆ្នាំ 1968, 1999 និង 2008)

6. Ajax (ឈ្នះបាន 4 ដង នៅ​ឆ្នាំ 1971,1972,1973 និង 1995)

5. Barcelona (ឈ្នះបាន 5 ដង នៅ​ឆ្នាំ 1992, 2006, 2009, 2011 និង 2015)

4. FC Bayern Munich (ឈ្នះបាន 6 ដង នៅ​ឆ្នាំ 1974, 1975, 1976, 2001, 2013 និង 2020)

3. Liverpool (ឈ្នះបាន 6 ដង នៅ​ឆ្នាំ 1977, 1978, 1981, 1984, 2005 និង 2019)

2. AC Milan (ឈ្នះបាន 7 ដង នៅ​ឆ្នាំ 1963, 1968, 1989, 1990, 1994, 2003 និង 2007)

1. Real Madrid (ឈ្នះបាន 14 ដង នៅ​ឆ្នាំ 1956, 1957, 1958, 1959, 1960, 1966, 1998, 2000, 2002, 2014, 2016, 2017, 2018 និង 2022)

ប្រភព: Khelnow