បាល់ទាត់អន្តរជាតិ
Sevilla លុតបិសាចក្រហម 3-0 ឡើងទៅកាន់វគ្គពាក់កណ្ដាលផ្ដាច់ព្រ័ត Europa League (មានវីដេអូ)
ក្លឹបអេស្ប៉ាញ Sevilla បានកក់កៅអី សម្រាប់វគ្គពាក់កណ្តាលផ្តាច់ព្រ័ត្រនៃការប្រកួតពានរង្វាន់ Europa League បន្ទាប់ពីយកជ័យជម្នះ 3-0 ទៅលើក្លឹបបិសាចក្រហម Manchester United។ ការប្រកួតនេះដែរ ជាការប្រកួតជើងទីពីរ ខណៈដែលកាលពីការប្រកួតជើងទីមួយពួកគេទទួលបានលទ្ធផលស្មើគ្នា 2-2។
ខ្សែប្រយុទ្ធ Youssef En-Nesyri គឺជាតួអង្គដ៏សំខាន់នៅក្នុងការប្រកួតនេះ ដោយបានស៊ុតបញ្ចូលទីគ្រាប់បាល់បើកឆាក នៅនាទីទី 8 មុនពេល Loic Bade រកបានគ្រាប់ទី 2 ឲ្យ Sevilla។ បន្ទាប់មក En-Nesyri ដដែលនេះដែរ បានស៊ុតបាល់បញ្ចូលទីជាថ្មីម្ដងទៀតនៅនាទីទី 81 ហើយធ្វើឲ្យក្រុមរបស់លោក Jose Luis Mendilibar បានឈ្នះ 3-0 (សរុបទាំងពីរជើង 5-2)។
យ៉ាងណាមិញ នៅក្នុងវគ្គពាក់កណ្ដាលផ្ដាច់ព្រ័ត រឺវគ្គ 4 ក្រុមចុងក្រោយ Sevilla នឹងត្រូវជួបជាមួយក្រុមខ្លាំងមកពីអ៊ីតាលី Juventus ដែលការប្រកួតនឹងធ្វើឡើងនៅថ្ងៃទី 11 ខែឧសភា (ប្រកួតជើងទី 1) និងថ្ងៃទី 18 ខែឧសភា (ប្រកួតជើងទី 2)។
ប្រភព: Sportsmole
-
បាល់ទាត់អន្តរជាតិ2 days ago
តោខៀវ Chelsea នឹងត្រូវបង្ខំចិត្តលក់ខ្សែបម្រើឆ្នើមមួយរូបនៅរដូវក្ដៅនេះ!!!
-
បាល់ទាត់អន្តរជាតិ2 days ago
Unai Emery ត្រៀមនាំយកអតីតកូនក្រុមមួយរូបរបស់ខ្លួនទៅកាន់ Aston Villa
-
បាល់ទាត់អន្តរជាតិ1 day ago
Man United និង Arsenal បរាជ័យក្នុងការចុះហត្ថលេខាលើខ្សែប្រយុទ្ធឆ្នើមមួយរូបរបស់ក្លឹប Inter Milan