បាល់ទាត់អន្តរជាតិ
Arsenal បន្តក្ដីសង្ឃឹមលេង Champions League ក្រោយយកឈ្នះតោខៀវ Chelsea 4-2
ក្លឹបកាំភ្លើងធំ Arsenal បានផ្តល់ក្តីសង្ឃឹមដល់អ្នកគាំទ្រ ក្នុងការបង្ហាញខ្លួននៅក្របខណ្ឌ Champions League រដូវកាលក្រោយ បន្ទាប់ពីពួកគេបានតាមស្មើពិន្ទុរបស់ក្រុម Tottenham Hotspur ដែលឈរនៅតារាង Top 4 នៃក្របខណ្ឌ Premier League។
Arsenal ទទួលបានបីពិន្ទុដ៏គួរឲ្យភ្ញាក់ផ្អើល ព្រោះជ័យជម្នះរបស់ពួកគេ គឺជាការឈ្នះទៅលើក្រុមម្ចាស់ផ្ទះតោខៀវ Chelsea ដែលជាក្រុមខ្លាំង និងកំពុងឈរនៅលេខរៀងទី 3 ក្នុងលទ្ធផល 4 ទល់នឹង 2 កាលពីប្រកួតយប់មិញនេះ។
គ្រាប់បាល់ស៊ុតបញ្ចូលទីទាំង 4 គ្រាប់របស់ Arsenal រកបានដោយកីឡាករ Eddie Nketiah (ពីរគ្រាប់ម្នាក់ឯង) នៅនាទីទី 13 និងនាទីទី 57, Emile Smith Rowe នៅនាទីទី 27 និងការស៊ុតបាល់ប៉េណាល់ទីចុងម៉ោងពី Bukayo Saka នៅនាទីទី 90+2។
ដោយឡែកគ្រាប់បាល់ 2 គ្រាប់របស់ក្លឹបតោខៀវ Chelsea គឺជាការស៊ុតបញ្ចូលទីពី Timo Werner នៅនាទីទី 17 និង Cesar Azpilicueta នៅនាទីទី 32។
ទោះជាយ៉ាងណា ក្លឹបកាំភ្លើងធំ Arsenal បន្តឈរនៅលេខរៀងទី 5 បើទោះបីជាឈ្នះក៏ដោយ និងមានពិន្ទុស្មើគ្នាជាមួយនឹងក្រុម Tottenham Hotspur ដែលនៅលេខរៀងទី 4 ព្រោះមានគ្រាប់បាល់ចាញ់ Tottenham Hotspur ចំនួន 8 គ្រាប់។
វីដេអូហាយឡាយការប្រកួត ខាងក្រោយ
ប្រភព: Metro
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
Galeno សម្រេចចិត្តចាកចេញទៅលេងនៅទឹកដីអារ៉ាប៊ីសាអូឌីត ក្នុងវ័យ 27 ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
