បាល់ទាត់អន្តរជាតិ
Aubameyang ប្រាប់អតីតមិត្តរួមក្រុមនៅ Barcelona ថា ខ្លួនចង់ត្រឡប់ទៅអេស្ប៉ាញវិញ
ខ្សែប្រយុទ្ធឆ្នើម Pierre-Emerick Aubameyang របស់ក្លឹបតោខៀវ Chelsea ត្រូវបានគេរាយការណ៍ថា មានបំណងចង់ត្រឡប់ទៅក្លឹបចាស់របស់ខ្លួន Barcelona វិញនៅចុងបញ្ចប់នៃរដូវកាលនេះ។ យ៉ាងណាមិញខ្សែប្រយុទ្ធសញ្ជាតិហ្គាបុងរូបនេះ បានចាកចេញពីក្លឹបយក្សកាតាឡាន់ដើម្បីផ្ទេរទៅ Chelsea កាលពីចុងឆ្នាំ 2022។
នៅពេលនោះ Barcelona មិនចង់លក់ Aubameyang ចេញប៉ុន្មានទេ ប៉ុន្តែដោយសារត្រូវកាត់បន្ថយការចំណាយលើប្រាក់ខែកីឡាករ និងការបញ្ចុះបញ្ចូលពីលោក Thomas Tuchel ទើបធ្វើឲ្យគាត់សម្រេចចិត្តផ្ទេរទៅទឹកដីអង់គ្លេស។ ទោះជាយ៉ាងណាក៏ដោយ តិចជាងមួយសប្តាហ៍ បន្ទាប់ពីគាត់ទៅដល់ Chelsea លោក Thomas Tuchel ត្រូវបានក្លឹបបណ្តេញចេញពីតំណែង និងជំនួសដោយលោក Graham Potter។
ដំបូងឡើយ Aubameyang ទទួលបានឱកាសបង្ហាញសមត្ថភាពយ៉ាងទៀតទាត់នៅលើទីលានប្រកួត ប៉ុន្តែខ្សែប្រយុទ្ធរូបនេះបានស៊ុតបញ្ចូលទីត្រឹមតែ 3 គ្រាប់ប៉ុណ្ណោះសម្រាប់ Chelsea នៅគ្រប់ការប្រកួតទាំងអស់។ ទោះជាយ៉ាងក៏ដោយ ក្រោយមកទៀតទល់នឹងពេលនេះ Aubameyang មិនមានឱកាសលេងស្ទើរតែទាំងស្រុងទៅហើយ ហើយកីឡាករវ័យ 33 ឆ្នាំរូបនេះត្រូវបានគេគិតថា នឹងចាកចេញពីតោខៀវមុនរដូវកាលថ្មី 2023-2024។
យោងតាមសារព័ត៌មាន Daily Mail បានឲ្យដឹងថា Aubameyang បាននិយាយប្រាប់អតីតមិត្តរួមក្រុមរបស់គាត់រួចហើយថា ការវិលត្រឡប់មក Barcelona គឺជាជម្រើសមួយដែលគាត់ពេញចិត្តជាជម្រើសផ្សេងទៀតដែលគាត់មាននៅក្នុងដៃ។ ថ្វីត្បិតតែបែបនេះក៏ដោយ វត្តមានរបស់ Aubameyang នៅ Camp Nou វិញជារឿងដ៏ពិបាកមួយ ដោយពួកគេអាចនឹងខុសលក្ខខណ្ឌហិរញ្ញវត្ថុ ខណៈដែលខ្សែការពារ Inigo Martinez របស់ Athletic Bilbao, Ilkay Gundogan របស់ Manchester City និង Lionel Messi សុទ្ធតែត្រៀមផ្ទេរមក Barcelona នៅរដូវក្ដៅខាងមុខនេះ។
ប្រភព: Sportsmole
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
