បាល់ទាត់អន្តរជាតិ
Haaland ត្រៀមបំបែកកំណត់ត្រាជាកីឡាករដែលស៊ុតបញ្ចូលទីច្រើនជាងគេក្នុងមួយរដូវកាលនៅ PL
កីឡាករ Erling Braut Haaland កំពុងត្រៀមបំបែកកំណត់ត្រាដ៏អស្ចារ្យមួយ សម្រាប់គ្រាប់បាល់ស៊ុតបញ្ចូលទីច្រើនជាងគេក្នុងមួយរដូវកាលរបស់ Premier League ដោយពេលនេះគាត់មាន 33 គ្រាប់ បន្ទាប់ពីការប្រកួតដែលទទួលបានជ័យជម្នះ 4-1 របស់ Manchester City ទៅលើក្លឹបកាំភ្លើងធំ Arsenal។
ខ្សែប្រយុទ្ធសញ្ជាតិន័រវេសរូបនេះបានបង្ហាញខ្លួនក្នុងជំនួបជាមួយក្លឹបកាំភ្លើងធំ Arsenal កាលពីរំលងអាធ្រាតយប់មិញនេះ ដោយចាប់ផ្ដើមជាមួយនឹងការ Assists ទៅឲ្យ Kevin De Bruyne ដែលជាគ្រាប់បាល់បើកឆាកនៅនាទីទី 7 មុនពេល John Stones រកបានគ្រាប់ទីពីរសម្រាប់ Man City។ នៅនាទីទី 54 Haaland បាន Assists ទៅឲ្យ De Bruyne ស៊ុតបានថែមមួយគ្រាប់ទៀត ហើយជាចុងក្រោយគាត់រកបានមួយគ្រាប់ខ្លួនឯងនៅនាទីទី 90+5។
ដោយឡែកកីឡាករដែលស៊ុតបញ្ចូលទីក្នុងមួយរដូវកាលច្រើនជាងគេនៅ Premier League គឺ Andy Cole ជាកីឡាកររបស់ Newcastle ដែលធ្វើបាន 34 គ្រាប់ក្នុងរដូវកាលឆ្នាំ 1993-1994 និង Alan Shearer ជាកីឡាកររបស់ Blackburn ធ្វើបាន 34 គ្រាប់ដូចគ្នា នៃរដូវកាលឆ្នាំ 1994-1995។ ពេលនេះ Haaland បានបំបែកកំណត់ត្រាចាស់របស់ Mohamed Salah ដែលស៊ុតបញ្ចូលទីបាន 32 គ្រាប់ ក្នុងរដូវកាល 2017-2018 ហើយខ្សែប្រយុទ្ធរូបនេះប្រាកដជានឹងអាចបំបែកកំណត់ត្រាដែលកាន់កាប់ដោយ Andy Cole និង Alan Shearer ព្រោះត្រូវការតែ 2 គ្រាប់ទៀតប៉ុណ្ណោះ។
ប្រភព: Sportsmole
ទម្រង់របស់ Real Madrid មិនទាន់នឹងនរនៅឡើយទេ បន្ទាប់Tony Kroos
ក្រុម Crystal Palace ឈ្នះពាន FA Cup ជាលើកដំបូងក្នុងប្រវត្តិសាស្ត្រ បន្ទាប់ពីរង់ចាំអស់ពេលជាង ១២០ឆ្នាំ
ទីបំផុត Bologna ទទួលបានពានរង្វាន់ធំជាលើកដំបូង ក្រោយពីរង់ចាំអស់ ៥១ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
