Connect with us

បាល់ទាត់អន្តរជាតិ

Mauricio Pochettino ធ្លាប់​បាន​បដិសេធ​មិន​ទៅ​ដឹកនាំ Arsenal កាល​ពី​ឆ្នាំ 2019

Published

on

អតីត​គ្រូ​បង្វឹក​របស់​ក្លឹប​មាន់ខ្នាយមាស Tottenham Hotspur លោក Mauricio Pochettino ធ្លាប់​បាន​ច្រានចោល​ឱកាស​ក្នុង​ការ​ក្លាយ​ជា​គ្រូ​បង្វករបស់ Arsenal ដោយ​ពេល​នោះ ក្លឹប​កាំភ្លើងធំ​បាន​បណ្តេញ​លោក Unai Emery ដែល​ជា​គ្រូ​បង្គោល​របស់​ខ្លួន ចេញ​ពី​តំណែង​នៅ​ក្នុង​ឆ្នាំ 2019។

យ៉ាង​ណា​មិញ Mauricio Pochettino ដែល​បច្ចុប្បន្ន​មាន​វ័យ 51 ឆ្នាំ ហាក់​ដូច​ជា​បាន​ត្រៀម​ខ្លួន​នឹង​វិល​ត្រឡប់​ទៅ​ដឹកនាំ​ក្លឹប​នៅ Premier League វិញ​ផង​ដែរ ជាមួយ Chelsea សម្រាប់​រដូវកាល​ក្រោយ ដោយពាក្យ​ចចាមអារ៉ាម​បាន​លើក​ឡើង​ថា គាត់​បាន​ឈាន​ដល់​កិច្ចព្រមព្រៀង​ផ្ទាល់​មាត់​ជាមួយ​តោខៀវ​រួច​ហើយ​នៅ​ដើម​សប្តាហ៍​នេះ។

គ្រូ​បង្វឹក​សញ្ជាតិ​អាហ្សង់ទីន​រូប​នេះ ត្រូវ​បានគេ​មើល​ឃើញ​ថា អាច​នឹង​ជួយ​សង្គ្រោះ​ដល់​ទម្រង់​លេង​មិន​ល្អ​របស់ Chelsea បច្ចុប្បន្ន ខណៈ​ដែល​គាត់​ធ្លាប់​បាន​ចំណាយ​ពេល 5 ឆ្នាំ​ជាមួយ​នឹង​ការ​ដឹកនាំ Tottenham Hotspur និង​ធ្លាប់​បាន​ជួយ​ក្លឹប​មួយ​នេះ​ឲ្យ​ឡើង​ទៅ​កាន់​វគ្គ​ផ្តាច់ព្រ័ត្រ UEFA Champions League ម្ដង​ផង​ដែរ កាល​ពី​រដូវកាល​ឆ្នាំ 2018-2019។

ត្រឹម​តែ​រយៈពេល 10 ថ្ងៃ បន្ទាប់​ពី Pochettino ចាក​ចេញ​ពី Tottenham Hotspur លោក Unai Emery ក៏​ត្រូវ​បាន Arsenal បណ្តេញ​ចេញ​ពី​តំណែង​ដែរ ដោយ​ពេល​នោះ​ពួក​គេ​បាន​ឲ្យ​លោក Freddie Ljungberg ទទួល​បន្ទុក​ជា​គ្រូ​បង្វឹក​បណ្ដោះ​អាសន្ន។ យ៉ាង​ណា យោងតាម talkSPORT បាន​ឲ្យ​ដឹង​ថា ពេល​នោះ​ក្លឹប​កាំភ្លើងធំ Arsenal បាន​ពិចារណា​ចុះ​ហត្ថលេខា​នាំ​យក Pochettino មក​ដឹកនាំ​បន្ត។ ពេល​នោះ Pochettino បាន​ច្រានចោល​​សំណើរ​ពី​ក្លឹប​កាំភ្លើង​ធំ​ភ្លាមៗ។ គាត់​បាន​ទំនេរ​ពី​​ការងារ​ជា​គ្រូ​បង្វឹក​ជាង​មួយ​ឆ្នាំ ហើយ​បន្ទាប់​មក​ក៏​ទៅ​ដឹកនាំ​នៅ PSG។

ប្រភព: Sportsmole

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២