បាល់ទាត់អន្តរជាតិ
Alejandro Garnacho ចង់ប្ដូរមកពាក់អាវលេខ 7 នៅរដូវកាលក្រោយ
កីឡាករវ័យក្មេងរបស់ក្លឹបបិសាចក្រហម Manchester United គឺខ្សែប្រយុទ្ធស្លាប Alejandro Garnacho បានបង្ហាញចេតនា ចង់ឲ្យគ្រូបង្វឹករបស់ខ្លួនលោក Erik ten Hag ប្រគល់អាវលេខ 7 ដល់គាត់ ដែលវាជាលេខដ៏អស្ចារ្យមួយនៅក្នុងក្ដីស្រមៃរបស់ខ្លួន ខណៈដែលបច្ចុប្បន្នអាវលេខ 7 នេះ មិនទាន់មានម្ចាស់ឡើយ។
ខ្សែប្រយុទ្ធឆ្នើម និងជាវីរបុរសរបស់ក្លឹប Cristiano Ronaldo គឺជាមនុស្សចុងក្រោយ ដែលបានប្រើប្រាស់អាវលេខ 7 នេះនៅ Old Trafford។ ដោយឡែក Cristiano Ronaldo បានចាកចេញពីក្លឹបបិសាចក្រហម នៅខែវិច្ឆិកា ឆ្នាំ 2022 បន្ទាប់ពីមានរឿងរ៉ាវល្អក់កករជាមួយក្លឹប ហើយត្រូវ Manchester United បញ្ចប់កុងត្រាមុនកំណត់។
យ៉ាងណាមិញ Alejandro Garnacho ដែលត្រូវបានគេចាត់ទុកជាអនាគតតារាឆ្នើមរបស់ក្លឹបនោះ បានបង្ហាញខ្លួនជាលើកដំបូងជាមួយក្រុមឈុតធំ ក្រោមការដឹកនាំរបស់លោក Ralf Rangnick ក្នុងខែមេសា ឆ្នាំ 2022។ គាត់បានស៊ុតបាល់បញ្ចូលទីបានចំនួន 4 គ្រាប់ ក្នុងការបង្ហាញខ្លួន 29 ប្រកួត។ កីឡាករសញ្ជាតិអាហ្សង់ទីនរូបនេះ ទើបនឹងបានបន្តកុងត្រាថ្មីជាមួយក្លឹបបិសាចក្រហម កាលពីសប្តាហ៍មុនផងដែរ។
ស្របពេលជាមួយគ្នានោះ កីឡាករវ័យក្មេងរូបនេះ បានបង្ហាញពីបំណងចង់ពាក់អាវលេខ 7 ដែលគ្មានម្ចាស់ និងជាកេរ្តិ៍មរតកដ៏ថ្លៃថ្លារបស់ Cristiano Ronaldo។ លើសពីនេះទៀត កីឡាករវ័យ 18 ឆ្នាំរូបនេះបានចុច Like នៅលើ Tweet មួយដែលអ្នកគាំទ្រម្នាក់បានសរសេរថា៖ “ផ្តល់អាវលេខ 7 ដល់ Garnacho”។
ប្រភព: Dailypost
-
បាល់ទាត់អន្តរជាតិ2 days ago
Philipp Lahm ទស្សន៍ទាយក្រុមដែលនឹងឈ្នះពាន Euro ឆ្នាំនេះ!!!
-
បាល់ទាត់អន្តរជាតិ2 days ago
Alexander Isak មិនយកចិត្តទុកដាក់ក្នុងការចង់ចាកចេញពីក្លឹបបច្ចុប្បន្នរបស់ខ្លួនឡើយ!!!
-
បាល់ទាត់អន្តរជាតិ2 days ago
Barcelona កំពុងពិចារណាលក់កីឡាករជាច្រើនដើម្បីយកលុយទិញ Haaland