គ្រូ​បង្វឹក​របស់​ក្លឹប​កាំភ្លើងធំ Arsenal កំពុង​ចាប់​អារម្មណ៍​លើ​ខ្សែ​ប្រយុទ្ធ​សញ្ជាតិ​ប្រេស៊ីល Malcom Filipe

ក្លឹប​កាំភ្លើងធំ Arsenal ត្រូវ​បាន​គេ​រាយការណ៍​ថា កំពុង​កំណត់​គោលដៅ​លើ​ខ្សែប្រយុទ្ធ​ស្លាប​របស់​ក្លឹប Zenit St Petersburg គឺ​កីឡាករ Malcom។ ខ្សែ​​ប្រយុទ្ធ​សញ្ជាតិ​ប្រេស៊ីល​រូប​នេះ គឺ​ជា​អតីត​កីឡាករ​របស់​ក្លឹប​អ្នក​មាន​បុណ្យ Barcelona ដែល​ធ្លាប់​ប្រកប​អាជីព​នៅ​ក្នុង​ទឹកដី​អេស្ប៉ាញ​រយៈពេល​មួយ​រដូវកាល​ចន្លោះ​ឆ្នាំ 2018 ដល់ 2019។

ក្លឹប​កាំភ្លើង​ធំ Arsenal រដូវកាល​នេះ រក​បាន​គ្រាប់​បាល់​ស៊ុត​បញ្ចូល​ទី​បាន​ចំនួន 78 គ្រាប់ ក្នុង 33 ប្រកួត នៅ​ក្រប​ខ័ណ្ឌ Premier League ដែល​នេះ​បង្ហាញ​ឲ្យ​ឃើញ​ថា ក្រុម​របស់​លោក Mikel Arteta មាន​ទម្រង់​លេង​ល្អ​ប្រសើរ​គួរ​សម​នៅ​តំបន់​ប្រយុទ្ធ​របស់​ខ្លួន។ ទោះ​ជា​យ៉ាង​ណា​ក៏​ដោយ ពួក​គេ​នៅ​តែ​ចាញ់​ក្រុម​កំពូល​តារាង Manchester City ដែល​កំពុង​គម្រាម​កំហែង​ដល់​ការ​ប្រជែង​ពាន​លីគ​រដូវកាល​នេះ និង​អាច​បន្ត​គម្រាម​កំហែល​ដល់​រដូវកាល​ក្រោយ​ទៀត។

យ៉ាង​ណា​មិញ គេ​បាន​មើល​ឃើញ​ថា Arsenal នៅ​តែ​ត្រូវ​ព្យាយាម​រុះរើស​កែ​លម្អ​នៅ​តំបន់​ប្រយុទ្ធ​របស់​ខ្លួន ជាមួយ​នឹង​ការ​នាំ​យក​ខ្សែ​ប្រយុទ្ធ​ចំណូល​ថ្មី​នៅ​ចុង​បញ្ចប់​នៃ​រដូវកាល​នេះ ដើម្បី​មាន​ឱកាស​ឆក់​យក​ពាន​លីគ ក៏​ដូច​ជា​ការ​ប្រជែង​បាន UEFA Champions League នៅ​រដូវកាល​ក្រោយ។

នៅ​​រដូវក្ដៅ​នេះ ខ្សែ​ប្រយុទ្ធ​ស្លាប​ម្នាក់​របស់​ពួក​គេ​គឺ​កីឡាករ Reiss Nelson នឹង​ចាកចេញ​ទៅ​ក្លឹប​ផ្សេង ដោយ​សារ​ផុត​កុងត្រា។ ទន្ទឹម​នឹង​នេះ​ដែរ Arsenal នឹង​អាច​មាន​ឱកាស​នាំ​យក​ខ្សែ​ប្រយុទ្ធ​ចំណូល​ថ្មី​ម្នាក់​ទៀត​នៅ​ចុង​រដូវកាល​នេះ។ យោងតាម​របាយការណ៍​ពី​លោក Pedro Almeida បាន​អះអាង​ថា លោក Arteta ជា​គ្រូ​បង្វឹក​របស់​ក្លឹប​មាន​ចំណាប់​អារម្មណ៍​ក្នុង​ការ​ចុះ​ហត្ថលេខា​លើ Malcom ដោយ​កីឡាករ​វ័យ 26 ឆ្នាំ​រូបនេះ​កំពុង​មាន​ទម្រង់​លេង​យ៉ាង​លេច​ធ្លោរ​នៅ​ក្លឹប FC Zenit ជាមួយ​នឹង​ការ​ស៊ុត​បញ្ចូលទី 41 គ្រាប់ និង 24 Assists ក្នុង​ការ​បង្ហាញ​ខ្លួន​ត្រឹមតែ 106 ប្រកួត​ប៉ុណ្ណោះ។

ប្រភព: Sportsmole