Connect with us

បាល់ទាត់អន្តរជាតិ

ឈ្នះ​ការ​ប្រកួត​មួយ​ទៀត​ប៉ុណ្ណោះ Barcelona នឹង​ក្លាយ​ជា​ម្ចាស់ពាន La Liga រដូវកាល​នេះ

Published

on

នៅ​ក្នុង​ការ​ប្រកួត​លីគ​កំពូល​របស់​អេស្ប៉ាញ La Liga កាល​ពី​រំលង​អាធ្រាត​យប់​មិញ​នេះ Barcelona បាន​យក​ឈ្នះ​ក្រុម​ភ្ញៀវ Osasuna ជាមួយ​នឹង​លទ្ធផល 1 ទល់​នឹង 0 ដែល​ធ្វើ​ឲ្យ​ពួក​គេ​ទទួល​បាន 3 ពិន្ទុ​បន្ថែម​ទៀត និង​បន្ត​តំណែង​ជា​ក្រុម​ដែល​មាន​ភាគរយ​ខ្ពស់​ក្នុង​ការ​លើក​ពាន​នៅ​រដូវកាល​នេះ។

ស្រប​ពេល​ដែល Barcelona ទទួល​បាន​ជ័យ​ជម្នះ​នោះ Real Madrid ដែល​ជា​ក្រុម​លេខ 2 បាន​ចាញ់​ក្រុម​ម្ចាស់​ផ្ទះ Real Sociedad ក្នុង​លទ្ធផល 2 ទល់​នឹង 0។ ដោយ​ឡែក នៅ​ប្រកួត​បន្ទាប់ គឺ​ជា​ប្រកួត​សំខាន់​មួយ​សម្រាប់ Barcelona ដែល​ត្រូវ​តទល់​នឹង Espanyol។ ប្រសិន​បើ​ពួក​គេ​ឈ្នះ​ប្រកួត​បន្ទាប់​នោះ Barcelona នឹង​ក្លាយ​ជា​ម្ចាស់​ពាន La Liga នៅ​រដូវកាល​នេះ ដោយ​មិន​ចាំ​បាច់​រងចាំ​មើល​លទ្ធផល​របស់​ក្រុម​ណា​បន្ត​ទៀត​ឡើយ។

បច្ចុប្បន្ន Barcelona ជា​ក្រុម​កំពូល​តារាង​នៅ​ក្នុង​លីគ ដែល​មាន 82 ពិន្ទុ ខណៈ​ដែល​ក្រុម​លេខ​ពីរ Real Madrid មាន 68 ពិន្ទុ។ ក្រុម​ទាំង​ពីរ​នៅ​សល់ 5 ប្រកួត​នៅ​ក្នុង​ដៃ​ដូចគ្នា មុន​បិទ​បញ្ចប់​រដូវកាល។ យ៉ាង​ណា​បើ​គិត​តាម​ពិន្ទុ​បច្ចុប្បន្ន​ក្នុង​ករណី Bareclona ឈ្នះ​មួយ​ប្រកួត​ទៀត​ឡើង​ដល់ 85 ពិន្ទុ ហើយ Real Madrid ឈ្នះ​ប្រកួត​ទាំង​អស់​ដែល​នៅ​សល់ ក៏​មិន​មាន​ពិន្ទុ​ស្មើ រឺ​លើស​ពី 85 ពិន្ទុ​នេះ​ដែរ។

ប្រភព: Livescore

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២