បាល់ទាត់អន្តរជាតិ
Haaland បំបែកកំណត់ត្រាជាកីឡាករស៊ុតបញ្ចូលទីច្រើនជាងគេក្នុងមួយរដូវកាលរបស់ Premier League
ខ្សែប្រយុទ្ធឆ្នើម Erling Haaland រកបានគ្រាប់បាល់ទី 35 របស់ខ្លួន សម្រាប់ក្លឹបមេឃខៀវ Manchester City ក្នុងការប្រកួតរបស់ពួកគេទល់នឹងក្រុមភ្ញៀវ West Ham កាលពីរំលងអាធ្រាតយប់មិញនេះ។ គ្រាប់បាល់នេះដែរ បានធ្វើឲ្យគាត់បំបែកកំណត់ត្រាក្លាយជាកីឡាករដែលស៊ុតបញ្ចូលទីច្រើនជាងគេ ក្នុងមួយរដូវកាលរបស់ Premier League។
កីឡាករសញ្ជាតិន័រវេសរូបនេះ បានក្លាយជាកីឡាករដំបូងបង្អស់ក្នុងប្រវត្តិសាស្ត្ររបស់លីគកំពូលនៃប្រទេសអង់គ្លេស ដែលមានគ្រាប់បាល់ស៊ុតបញ្ចូលទីក្នុងមួយរដូវកាលច្រើនជាងគេ ខណៈដែលការប្រកួតប្រជែងនៅ Premier League មិនទាន់បិទបញ្ចប់នៅឡើយ ពោលគឺនៅសល់ 5 ប្រកួតទៀត ដែលមានន័យថា Erling Haaland អាចនឹងរកបានគ្រាប់បាល់ច្រើនជាងនេះបន្ថែមទៀត។
វីរបុរស Andy Cole ដែលជាកីឡាកររបស់ក្លឹប Newcastle United និង Alan Shearer របស់ក្លឹប Blackburn Rovers ធ្លាប់បានកាន់កាប់កំណត់ត្រាជាកីឡាករស៊ុតបញ្ចូលទីក្នុងប្រវត្តិសាស្ត្ររបស់ Premier League ច្រើនជាងគេក្នុងមួយរដូវកាល ដោយមាន 34 គ្រាប់។ យ៉ាងណា កំណត់ត្រាដ៏អស្ចារ្យនេះបច្ចុប្បន្នបានធ្លាក់ទៅលើ Erling Haaland។
ប្រភព: Mirror UK
Sergio Ramos ចូលរួមក្លឹបថ្មីនៅមិកស៊ីកូ ពាក់លេខ 93 ដោយសារមូលហេតុនេះ
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
