បាល់ទាត់អន្តរជាតិ
Brighton ប្រកាសពីការចុះហត្ថលេខាលើខ្សែប្រយុទ្ធ Joao Pedro របស់ Watford
កាលពីម្សិលមិញនេះក្លឹប Brighton បានប្រកាសថា ពួកគេបានឈានដល់កិច្ចព្រមព្រៀងជាផ្លូវការណ៍ ដើម្បីចុះហត្ថលេខាលើខ្សែប្រយុទ្ធចំណូលថ្មី Joao Pedro ដែលផ្ទេរពី Watford។ កីឡាករវ័យ 21 ឆ្នាំរូបនេះផ្ទេរជាមួយនឹងលក្ខខណ្ឌទិញផ្ដាច់កុងត្រា ដែលមិនត្រូវបានបង្ហាញពីតម្លៃឡើយ ប៉ុន្តែគេជឿថា ជាតម្លៃដ៏ខ្ពស់មួយនៃកំណត់ត្រារបស់ក្លឹប។
យ៉ាងណាមិញខ្សែប្រយុទ្ធសញ្ជាតិប្រេស៊ីល Joao Pedro នឹងចុះហត្ថលេខាលើកុងត្រារយៈពេល 5 ឆ្នាំ ជាមួយ Brighton ដែលមានសុពលភាពរហូតដល់ថ្ងៃទី 30 ខែមិថុនា ឆ្នាំ 2028។ កីឡាកររូបនេះគឺជាអតីតយុវជនរបស់ក្លឹបនៅប្រេស៊ីល Fluminense ដែលស្ថិតក្នុងទឹកដីកំណើតរបស់ខ្លួន ហើយនៅឆ្នាំ 2020 គាត់ក៏បានចូលរួមជាមួយ Watford ក្នុងតម្លៃប្រហែល 9 លានផោន។
ចាប់តាំងពីពេលនោះមក គាត់បានអភិវឌ្ឍន៍ខ្លួនក្លាយជាកីឡាករដ៏សំខាន់ម្នាក់របស់ Watford ដោយលេងបានប្រកួតសរុប 109 ប្រកួត រកបានគ្រាប់បាល់ 24 គ្រាប់ និង Asists បាន 9 ដង។ ខ្សែប្រយុទ្ធដែលកើតនៅ Sao Paulo រូបនេះ បានសម្របខ្លួនទៅនឹងការប្រកួតប្រជែងនៅក្របខ័ណ្ឌ Premier League ជាមួយ Watford ក្នុងអំឡុងរដូវកាលឆ្នាំ 2021-2022 ប៉ុន្តែរដូវកាលបន្ទាប់ក្លឹបបានធ្លាក់ទៅលេងនៅ Championship។ យ៉ាងណាពេលនេះ Joao Pedro ទទួលបានឱកាសជាថ្មីម្ដងទៀត ដើម្បីបង្ហាញសមត្ថភាពនៅក្នុងក្របខណ្ឌកំពូលរបស់អង់គ្លេសជាមួយនឹង Brighton រដូវកាលក្រោយ។
ប្រភព: Sportsmole
Sergio Ramos ចូលរួមក្លឹបថ្មីនៅមិកស៊ីកូ ពាក់លេខ 93 ដោយសារមូលហេតុនេះ
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
