ក្រោយ​ឈ្នះ Newcastle United គ្រូ Arsenal បង្ហាញ​ថា ពួក​គេ​នៅ​តែ​ត្រូវ​ខិតខំ​បន្ត​ទៀត ដើម្បីអាច​ឈ្នះ​ពាន​លីគ​នៅ​រដូវកាល​នេះ

លោក Mikel Arteta ដែល​ជា​គ្រូ​បង្វឹក​របស់​ក្លឹប​កាំភ្លើងធំ Arsenal បាន​អះអាង​ថា ពានរង្វាន់ Premier League នៅ​តែ​ស្ថិត​ក្នុង​ឱកាស​របស់​ពួកគេ ដោយ​គ្រូ​បង្វឹក​រូប​នេះ​បាន​និយាយ​បន្ទាប់​ពី​ការ​ប្រកួត​ដែល​បាន​យកឈ្នះ 2-0 នៅ​ក្នុង​ដី Newcastle United កាល​ពី​ថ្ងៃ​អាទិត្យ​ម្សិលមិញ​នេះ។

ខ្សែបម្រើ Martin Odegaard គឺ​ជា​អ្នករក​គ្រាប់​បាល់​បើក​ឆាក​ក្នុង​តង់​ទី​មួយ​ទៅ​លើ Newcastle United ហើយ​នៅ​នាទីទី 71 គឺ​ជា​គ្រាប់​បាល់​ចូល​ទី​ខ្លួន​ឯង​ពី​សំណាក់​ខ្សែការពារ Fabian Schar។ ចប់​ការ​ប្រកួត Arsenal ទទួល​បាន 3 ពិន្ទុ បន្ត​ឈរ​នៅ​ក្នុង​ចំណាត់​ថ្នាក់​លេខ 2 ខណៈ​ដែល Man City ជា​ក្រុម​កំពូល​តារាង​ដែល​មាន 1 ប្រកួត​ចំណេញ​នៅ​ក្នុង​ដៃ។

យ៉ាង​ណា​មិញ Mikel Arteta បាន​និយាយ​ក្រោយ​ការ​ប្រកួត​នេះ​ថា៖ “យើង​នៅ​ទីនេះ ហើយ​យើង​ចង់​បន្ត​ដើម្បី​អាច​យក​ពាន។ ពានរង្វាន់ គឺ​នៅ​ទីនោះ​មិន​ឆ្ងាយ​ទេ។ រឿង​តែ​មួយ​គត់​ដែល​យើង​អាច​ធ្វើ​បាន​គឺ​បន្ត​ទៅ​មុខ និង​មិន​ងាកក្រោយ ហើយ​បោះបង់​ការ​ផ្តោត​អារម្មណ៍​លើ​រឿង​ផ្សេងៗ​ទៀត​ក្រៅ​ពី​នេះ…”។

ប្រភព: Dailypost NG