Connect with us

បាល់ទាត់អន្តរជាតិ

Alaba និយាយ​ថា ខ្លួន​ទទួល​បាន​បទពិសោធន៍​ជា​ច្រើន​ពី Pep Guardiola ហើយ​ចង់​ធ្វើ​ឲ្យ​អតីត​គ្រូ​បង្វឹក​រូប​នេះ​ខក​ចិត្ត

Published

on

ក្លឹប​ស្ដេចស Real Madrid ត្រូវ​យក​ឈ្នះ​លើ​ក្លឹប​មក​ពី​អង់គ្លេស Manchester City សរុប​ទាំង​ពីរជើង ដើម្បី​អាច​ឈាន​ទៅ​វគ្គផ្តាច់ព្រ័ត្រ Champions League។ ដោយ​ឡែក David Alaba ក៏​បាន​បង្ហាញ​ពី​ឆន្ទះ​ចង់​រំខាន​​ដល់​ដំណើរ​របស់​​អតីតគ្រូបង្វឹក​លោក Pep Guardiola ផង​ដែរ។

David Alaba បាន​ក្លាយ​ជា​ខ្សែការពារ​កណ្ដាល​ដ៏​សំខាន់​ចាប់​តាំង​ពី​ការ​ចុះហត្ថលេខា​ផ្ទេរ កាល​ពី​រដូវក្តៅ​ឆ្នាំ​មុន ជា​មួយ​នឹង​ការ​ផ្ទេរ​ដោយ​គ្មាន​តម្លៃ​ខ្លួន។ Alaba បាន​ដើរ​តួ​នាទី​យ៉ាង​សាកសម​ក្នុង​ការ​ជំនួស​តំណែង​របស់ Sergio Ramos ហើយ​គាត់​បាន​រួម​ចំណែក​យ៉ាង​សំខាន់​នៅ​ក្នុង​ក្រុម​នៅ​រដូវ​កាល​នេះ ដោយ​បច្ចុប្បន្ន​ក្លឹប Real Madrid កំពុង​ឈរ​នៅ​កំពូល​តារាង LaLiga ដែល​មាន​គម្លាត​ឆ្ងាយ​ពី​ក្រុម​លេខ 2 រហូត​ដល់ 15 ពិន្ទុ។ Real Madrid ក៏​កំពុង​ត្រៀម​លេង​វគ្គ​ពាក់​កណ្ដាល​ផ្ដាច់ព្រ័ត ដែល​នឹង​ត្រូវ​ប៉ះ Manchester City នៅ​ថ្ងៃ​ទី 27 ចុងខែ​នេះ​ផង​ដែរ។

ដោយ​ឡែក David Alaba បាន​និយាយ​នៅ​ក្នុង​បទ​សម្ភាសន៍​មួយ​ជាមួយ Bild ទាក់​ទង​នឹង​អតីត​គ្រូ​បង្វឹក​របស់​ខ្លួន​លោក Pep Guardiola ថា “ពួក​យើង​មិនបានទាក់ទង​គ្នា​ទេ នាពេល​ថ្មីៗ​នេះ ប៉ុន្តែ​វា​ពិត​ជាល្អណាស់​ដែល​បាន​ជួប Pep ម្តង​ទៀត”។

Alaba បាន​បន្ថែម​ទៀត​ថា “ពួក​យើង​មាន​ពេលវេលា​ដ៏​អស្ចារ្យ​ជា​មួយ​គ្នា​នៅ Bayern ។ ទោះ​ជា​យ៉ាង​ណា​ក៏​ដោយ អ្វី​ដែល​ខ្ញុំ​ចង់ គឺ​ធ្វើ​ឲ្យ​គាត់​ខក​ចិត្ត​នៅ​ពេល​នេះ”។

ប្រភព: Marca

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២