Connect with us

បាល់ទាត់អន្តរជាតិ

Eintracht Frankfurt ត្រៀម​ដាក់​សំណើរ​ខ្ចី​ជើង Hugo Ekitike

Published

on

យោង​តាម​របាយការណ៍​ចុង​ក្រោយ​មួយ​បាន​ឲ្យ​ដឹង​ថា ខ្សែប្រយុទ្ធ​របស់​ក្លឹប​យក្ស​បារាំង Paris Saint-Germain គឺ​កីឡាករ Hugo Ekitike កំពុង​ក្លាយ​ជា​គោលដៅ​នៃ​ការ​ចង់​បាន​ពី​ក្លឹប​យក្ស​អាឡឺម៉ង់ Eintracht Frankfurt។ កីឡាករ​សញ្ជាតិ​បារាំង​រូប​នេះ​បច្ចុប្បន្ន​ជា​កម្មសិទ្ធ​របស់​ក្លឹប Reims និង​ខ្ចី​ជើង​នៅ PSG រហូត​ដល់​ចប់​រដូវកាល។

កីឡាករ​វ័យ 20 ឆ្នាំ​រូបនេះ​បាន​មក​ដល់​ទឹកដី Parc des Princes ក្នុងលក្ខខណ្ឌខ្ចី​ជើង​រយៈពេល​មួយ​រដូវកាល​ដោយ​ផ្ទេរ​ពី Reims កាល​ពី​រដូវកាល​មុន ប៉ុន្តែ​បាន​ស៊ូ​ទ្រាំ​នឹង​ការ​លំបាក​ជាមួយ​នឹង​ការ​បង្ហាញ​សមត្ថភាព​នៅ​លើ​ទីលាន​ដោយ​សារ​ត្រូវ​ប្រជែង​កន្លែង​លេង​ជាមួយ Lionel Messi, Kylian Mbappe និង Neymar Jr។

Ekitike រក​បាន​គ្រាប់​បាល់​តែ 4 គ្រាប់ ប៉ុណ្ណោះ​ពី​ការ​បង្ហាញ​ខ្លួន 30 ប្រកួត​ក្រោម​ការ​ដឹកនាំ​របស់​លោក Christophe Galtier នៅ​រដូវកាល​នេះ។ កីឡាករ​សញ្ជាតិ​បារាំង​រូប​នេះ​ត្រូវ​បាន​គេ​ដឹង​ថា នឹង​ត្រឡប់​ទៅ Reims វិញ​នៅ​ចុង​បញ្ចប់​នៃ​រដូវកាល​នេះ ហើយ​យោង​ទៅ​តាម​របាយការណ៍​ពី L’Equipe បាន​ឲ្យ​ដឹង​ថា ក្លឹប Frankfurt បាន​ចាប់​អារម្មណ៍​លើ​ខ្សែប្រយុទ្ធ​កណ្ដាល​រូប​នេះ ជាមួយ​នឹង​ការ​ខ្ចី​ជើង ដែល​មាន​រួម​បញ្ចូល​នឹង​លក្ខខណ្ឌ​ទិញ​ផ្ដាច់​កុងត្រា។

ប្រភព: Sportsmole

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២