Connect with us

បាល់ទាត់អន្តរជាតិ

Ivan Toney ត្រូវ FA ពិន័យ​មិន​ឲ្យ​លេង​បាល់ 8 ខែ

Published

on

ថ្មីៗ​នេះ Ivan Toney ត្រូវ​បាន FA ពិន័យ​ដោយ​ផ្អាក​រាល់​សកម្មភាព​ដែល​ទាក់ទង​នឹង​បាល់​ទាត់​ទាំង​អស់​ចំនួន 8 ខែ ពោល​គឺ​រហូត​ដល់​ថ្ងៃទី 16 ខែ​មករា ឆ្នាំ 2024។ ខ្សែ​ប្រយុទ្ធ​របស់​ក្លឹប Brentford និង​ក្រុម​ជម្រើស​ជាតិ​អង់គ្លេស​រូប​នេះ ត្រូវ​បាន​ចោទ​ប្រកាន់​ពី​បទ​បំពាន​ច្បាប់​នៃ​ល្បែង​ភ្នាល់​របស់ FA។

ក្រៅ​ពី​ជាប់​ពិន័យ​មិន​ឲ្យ​ចូល​លេង​បាល់​នោះ Ivan Toney ក៏​ត្រូវ​បាន​គេ​ពិន័យ​ជា​ប្រាក់ 50,000 ផោន​ផង​ដែរ។ កីឡាករ​វ័យ 27 ឆ្នាំ​រូប​នេះ នឹង​ខកខាន​ការ​ប្រកួត​ទាំង​អស់​ដែល​នៅ​សល់សម្រាប់​​រដូវកាល​នេះ​របស់​ក្លឹប។ Brentford ក៏​បាន​ចេញ​សេចក្តី​ថ្លែង​ការណ៍​ទាក់​ទង​នឹង​រឿង​នេះ​ដែរ បន្ទាប់​ពី​ការ​ប្រកាស​របស់ FA ប៉ុន្តែ​មិន​បាន​បញ្ជាក់​ថា តើ​ពួក​គេ​នឹង​ប្តឹង​តវ៉ា​ចំពោះ​ការ​សម្រេច​នេះ​រឺ​អត់​នោះ​ទេ។

សេចក្តី​ថ្លែង​ការណ៍​របស់ FA បាន​សរសេរ​ថា៖ “Ivan Toney ត្រូវ​បាន​ផ្អាក​ពី​សកម្មភាព​កីឡា​បាល់ទាត់ និង​កីឡា​ដែល​ជាប់​ទាក់ទង​នឹង​បាល់ទាត់​ទាំង​អស់ ដោយ​ការ​ពិន័យ​នេះ​មាន​ប្រសិទ្ធិ​ភាព​ភ្លាមៗ​ចាប់​ពី​ពេល​នេះ​រហូត​ដល់​រយៈ​ពេល 8 ខែ”។

ប្រភព: Livescore

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២