បាល់ទាត់អន្តរជាតិ
West Ham កំពុងរៀបចំផែនការផ្ទេរខ្សែការពារ Harry Maguire
ក្លឹបញញួរធំ West Ham United ត្រូវបានគេរាយការណ៍ថា កំពុងរៀបចំផែនការផ្ទេរមួយសម្រាប់ខ្សែការពារកណ្តាល Harry Maguire របស់ Manchester United នៅក្នុងអំឡុងពេលនៃទីផ្សារដោះដូរកីឡាកររដូវក្តៅនេះ។ យ៉ាងណាមិញខ្សែការពារ និងជាកាពីតែនក្រុម Harry Maguire មានទម្រង់លេងមិនសូវល្អឡើយ តាំងពីរដូវកាលមុនមកម្ល៉េះ។
កីឡាករសញ្ជាតិអង់គ្លេសរូបនេះ បានបង្ហាញខ្លួនក្នុងជម្រើសដំបូងរបស់ក្រុមក្នុងការប្រកួត Premier League ចំនួនត្រឹមតែ 7 ដងប៉ុណ្ណោះក្នុងរដូវកាលនេះ ដោយមាន Raphael Varane, Lisandro Martinez, Victor Lindelof និង Luke Shaw គឺជាជម្រើសសំខាន់ ហើយលុះត្រាតែបេក្ខភាពកីឡាករសំខាន់ទាំងនោះមិនអាចចូលលេងបានទើបដល់វេនរបស់ Harry Maguire។
ថ្វីត្បិតតែកីឡាករវ័យ 30 ឆ្នាំរូបនេះ នៅមានកុងត្រាជាមួយបិសាចក្រហមរហូតដល់ឆ្នាំ 2025 ក៏ដោយ ប៉ុន្តែគេមើលឃើញថា ទម្រង់លេងមិនសូវល្អ និងពិបាកក្នុងការប្រជែងកន្លែងលេងជាមួយមិត្តរួមក្រុមផ្សេងទៀត Harry Maguire អាចនឹងពិចារណាចាកចេញនៅចុងបញ្ចប់នៃរដូវកាលនេះ។ ជាក់ស្ដែងយោងតាមរបាយការណ៍ពី ESPN ដែលចុះផ្សាយនៅថ្ងៃនេះបានឲ្យដឹងថា ក្លឹប West Ham ចាប់អារម្មណ៍លើខ្សែការពាររូបនេះ ហើយពួកគេកំពុងរៀបចំផែនការផ្ទេរជាថ្មីម្ដងទៀតសម្រាប់ Maguire ខណៈដែលកាលពីខែមករាដើមឆ្នាំនេះ ពួកគេធ្លាប់បានព្យាយាមចុះហត្ថលេខាលើខ្សែការពាររូបនេះម្ដងរួចមកហើយ ប៉ុន្តែមិនបានសម្រេច។
ប្រភព: Sportsmole
-
បាល់ទាត់អន្តរជាតិ19 hours ago
តោខៀវ Chelsea នឹងត្រូវបង្ខំចិត្តលក់ខ្សែបម្រើឆ្នើមមួយរូបនៅរដូវក្ដៅនេះ!!!
-
បាល់ទាត់អន្តរជាតិ22 hours ago
Barcelona ចង់លក់ខ្សែការពារឆ្នើមមួយរូប ដើម្បីជួយដល់សង្គ្រោះស្ថានភាពហិរញ្ញវត្ថុរបស់ក្លឹប
-
បាល់ទាត់អន្តរជាតិ3 days ago
Thiago Silva នឹងចាកចេញពីតោខៀវ Chelsea នៅចុងបញ្ចប់នៃរដូវកាលនេះ!!!