Connect with us

បាល់ទាត់អន្តរជាតិ

Griezmann ប្រាប់​ឈ្មោះ​ប្រទេស 4 ដែល​ខ្លួន​គិត​ថា នឹង​ឈ្នះពាន World Cup ឆ្នាំ​នេះ​ ខណៈ​ដែល​មិនមាន​ក្រុម​ជម្រើស​ជាតិ​អង់គ្លេស​ឡើយ

Published

on

ខ្សែ​ប្រយុទ្ធ​ឆ្នើម Antoine Griezmann បាន​លើក​ឡើង​ថា វា​នឹង​មាន​ការ​លំបាក​ណាស់ សម្រាប់​ប្រទេស​បារាំង​ដែល​ជា​ប្រទេស​របស់​ខ្លួន ក្នុង​ការ​ការពារ​ជើង​ឯក World Cup របស់​ពួក​គេ។ Griezmann ក៏​បាន​បង្ហាញ​ពី​ការ​យល់​ឃើញ​ផ្ទាល់​ខ្លួន អំពី​ប្រទេស 4 ដែល​ខ្លួន​គិត​ថា អាច​នឹង​ឈ្នះ World Cup លើក​នេះ​ផងដែរ។

អ្វី​ដែល​គួរ​ឲ្យ​ចាប់​អារម្មណ៍​នោះ គឺ​ប្រទេស​ទាំង 4 ដែល Antoine Griezmann បាន​ជ្រើសរើស មិន​មាន​ឈ្មោះ​ក្រុម​ជម្រើស​ជាតិ​អង់គ្លេស​ឡើយ ខណៈ​ដែល​អង់គ្លេស​គឺ​ជា​ប្រទេស​ដែល​មានការ​ប្រកួត​ប្រជែង​ដ៏​លេច​ធ្លោរ​បំផុត ហើយ​ពោរពេញ​ដោយ​កីឡាករ​កំពូលៗ​ជា​ច្រើន​ផងដែរ។

តារាឆ្នើម​របស់​ក្រុម​ជម្រើស​ជាតិ​បារាំង Antoine Griezmann ដែល​បច្ចុប្បន្ន​កំពុង​លេង​នៅ​អេស្ប៉ាញ​ជា​មួយ​ក្លឹប Atletico Madrid បាន​ឈ្នះពាន World Cup កាល​ពី​ឆ្នាំ 2018 ដែល​ជា​ពាន​ដ៏​ធំ​បំផុត​ក្នុង​អាជីព​បាល់​ទាត់​របស់​ខ្លួន។

នៅ​ក្នុង​បទសម្ភាសន៍​ជាមួយ GQ Spain ខ្សែប្រយុទ្ធ Antoine Griezmann បាន​និយាយថា “ប្រេស៊ីល អាហ្សង់ទីន អេស្ប៉ាញ និង​បារាំង គឺ​ជាក្រុម​ដែល​ខ្លួន​គិត​ថា នឹង​អាច​ឈ្នះពាន World Cup ឆ្នាំ​នេះ”។

ទោះ​ជា​យ៉ាង​ណា Griezmann បាន​បន្ថែម​ថា អ្វីៗ​គ្រប់​យ៉ាង​តែងតែ​ធ្វើ​ឲ្យ​យើង​ភ្ញាក់​ផ្អើល ហើយ​ពិត​ជា មិន​អាច​ទាយទុកមុន​បាន​ឡើយ។ វា គឺ​ជា​ការ​ប្រកួត​ប្រជែង​ដ៏​លំបាក​មួយ។ ក្នុង​រយៈពេល 4 ឆ្នាំ ក្រុម​នីមួយៗ​នឹង​មាន​ការ​ផ្លាស់​ប្ដូរ​ច្រើន ហើយ​​មិន​ត្រឹម​តែ​​កីឡាករ​ប៉ុណ្ណោះ​ទេ ប៉ុន្តែ​​របៀប​លេងក៏​ដូច​គ្នា​ដែរ។

ប្រភព: The Sun

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២