Connect with us

បាល់ទាត់អន្តរជាតិ

Man City ក្លាយ​ជា​ម្ចាស់ពាន Premier League រដូវកាល​នេះ ដោយ​មិន​ចាំ​បាច់​ឈ្នះ​ប្រកួត​ជាមួយ Chelsea ក៏​បាន

Published

on

នៅ​ទីបំផុត​យើង​បាន​ឃើញ​ម្ចាស់ពាន​លីគ​កំពូល​របស់​អង់គ្លេស​ហើយ ដោយ​ក្លឹប​ដែល​ឈ្នះ​នោះ​គឺ Manchester City។ ក្លឹប​យក្ស​នៅ​អង់គ្លេស​មួយ​នេះ​បាន​គ្រង​តំណែង​ជើង​ឯក Premier League របស់​ពួក​គេ​ជា​ផ្លូវការណ៍ សម្រាប់​រដូវកាល​នេះ ដោយ​មិន​ចាំ​បាច់​រងចាំ​មើល​លទ្ធផល​នៃ​ការ​ប្រកួត​ដែល​នៅ​សល់​ឡើយ ព្រោះ Arsenal បាន​ចាញ់ 1-0 ទៅ​លើ Nottingham Forest កាល​ពី​រំលង​អាធ្រាត​យប់​មិញ​នេះ។

Arsenal នៅ​សល់​មួយ​ប្រកួត​ទៀត​ប៉ុណ្ណោះ​មុន​ចប់​រដូវកាល ប៉ុន្តែ​គេ​មាន​ពិន្ទុចាញ់ Manchester City រហូត​ដល់ 4 ពិន្ទុ ដូច្នេះ​ពួក​គេ​បាន​ត្រឹមតែ​ជា​ក្រុម​ឈរ​ក្នុង​តំណែង​ជើង​ឯករង​ប៉ុណ្ណោះ។ យ៉ាង​ណា​មិញ ក្រុម​របស់​លោក Pep Guardiola នឹង​ត្រូវ​ប្រកួត​នៅ​យប់​នេះ ដែល​ត្រូវ​ប៉ះ​ជាមួយ​តោខៀវ Chelsea ហើយ​វា​គ្រាន់​តែ​ជា​ការ​ប្រកួត​បង្គ្រប់​កិច្ច​តែ​ប៉ុណ្ណោះ។

ដោយ​ឡែក​គោលដៅ​នៃ​ការ​ឈ្នះពាន 3 ក្នុង​មួយ​រដូវកាល​របស់ Manchester City ហាក់​ដូច​ជា​សម្រេច​បាន​បណ្ដើរៗ​ហើយ ខណៈ​ដែល​ពាន​ពីរ​ទៀត​ដែល​មាន FA Cup និង UEFA Champions League ក៏​ត្រូវ​បាន​គេ​មើល​ឃើញ​ថា នឹង​ធ្លាក់​ក្នុង​កណ្ដាប់​ដៃ​របស់ Man City ដែរ។

ប្រភព: Sportsmole

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២