Antonio Conte មិន​នាំ​យក Eriksen មក​វិញ ដូច​ពាក្យ​ចចាម​អារ៉ាម​ឡើយ

ខ្សែបម្រើ​ប្រយុទ្ធ Christian Eriksen ទំនង​ជា​អាច​នឹង​ចាកចេញ​ពី​ក្លឹប​បច្ចុប្បន្ន Brentford នៅ​រដូវកាល​ក្រោយ ខណៈ​ដែល​មាន​ពាក្យ​ចចាម​អារ៉ាម​ជា​ច្រើន​បាន​និយាយ​ថា គាត់​នឹង​ត្រឡប់​មក​ចូល​រួម​ជាមួយ​ក្លឹប​ចាស់ Tottenham Hotspur វិញ។

វត្តមាន​របស់ Christian Eriksen បាន​ធ្វើ​ឲ្យ Brentford មាន​លទ្ធផល​គាប់​ប្រសើរ​ជាង​មុន​យ៉ាង​ច្រើន។ ក្នុង​ការ​បង្ហាញ​ខ្លួន 6 ប្រកួត​នៅ​រដូវកាល​នេះ Christian Eriksen ស៊ុត​បញ្ចូល​ទី​បាន 1 គ្រាប់ និង​បញ្ចូល​បាល់​ឲ្យ​មិត្ត​រួម​ក្រុម​បាន 2 ដង។

ទោះ​ជា​យ៉ាង​ណា មាន​ហេតុ​ផល​ដ៏​សមស្រប​មួយ​​បាន​លើក​ឡើង​ថា លោក Antonio Conte នឹង​មិន​នាំ​យក Christian Eriksen មក​ធ្វើ​ជា​កូនក្រុម​របស់​ខ្លួន​នៅ Tottenham Hotspur ឡើយ។ ហេតុ​អ្វី?

ថ្វី​ត្បិត​តែ Christian Eriksen លេង​បាន​យ៉ាង​ល្អ​នៅ Brentford ប៉ុន្តែ​បើ​ប្រៀប​ធៀប​ទៅ​នឹង Harry Kane, Son Heung-min និង Dejan Kulusevski គឺ Eriksen នៅ​តែ​មាន​គុណភាព​នៃ​ការ​លេង​ចាញ់​ពួក​គេ។ ទម្រង់​លេង 3-4-3 របស់​លោក Antonio Conte ប្រហែល​ជា​មិន​មាន​កន្លែងទំនេរ​សម្រាប់ Eriksen ឡើយ ហើយ​ប្រសិន​បើ Christian Eriksen សប្បាយ​ចិត្ត​នឹង​នៅ Brentford នោះ​គាត់​អាច​នឹង​បន្ត​កុងត្រា​ថ្មី​បន្ថែម​ទៀត។

ប្រភព: Goal