Salah ប្រាប់​ថា ខ្លួន​ខូច​ចិត្ត​ខ្លាំង ដែល​មិន​បាន​លេង UCL រដូវកាល​ក្រោយ

ខ្សែប្រយុទ្ធ​ស្លាប​របស់​ក្លឹប​ហង្សក្រហម Liverpool គឺ​កីឡាករ Mohamed Salah បាន​និយាយ​ថា គាត់​ខូចចិត្ត ដែល​ក្រុម​របស់​ខ្លួន​មិន​មាន​កៅអី​លេង​ក្នុង​ពាន UEFA Champions League នៅ​រដូវកាល​ក្រោយ។ ជា​ការ​ពិត​ណាស់ ហង្សក្រហម​នឹង​មាន​កៅអី​ត្រឹមតែ​លេង​ពាន Europa League នោះ​ឡើយ នៅ​រដូវកាល​ក្រោយ បន្ទាប់​ពី Manchester United បាន​យក​ឈ្នះ Chelsea 4-1 កាល​ពី​រំលង​អាធ្រាត​យប់​មិញ​នេះ ដើម្បី​ដណ្ដើម​តំណែង​ជា​ក្រុម​កំពូល​តារាង​ទាំង 4 របស់ Premier League។

ភ្លាមៗ​បន្ទាប់​ពី​ច្បាស់ការណ៍​ទាក់​ទង​នឹង​កៅអី​លេង​ពាន UCL ខ្សែ​ប្រយុទ្ធ Mohamed Salah បាន​សរសេរ​សារ​មួយ​ឃ្លា​ថា “ខ្ញុំ​ខូច​ចិត្ត​ខ្លាំង​ណាស់។ មិន​មាន​ហេតុ​ផង​អ្វី ដើម្បី​លាក់​បាំង​ពី​រឿង​នេះ​ទេ។ យើង​មាន​អ្វីៗ​គ្រប់​យ៉ាង​ដែល​យើង​ត្រូវ​ការ ដើម្បី​អាច​ឈាន​ដល់​ការ​ប្រកួត UEFA Champions League នៅ​ឆ្នាំ​ក្រោយ តែ​យើង​បាន​បរាជ័យ”…។

នៅ​សល់​មួយ​ប្រកួត​ចុង​ក្រោយ​ទៀត​សម្រាប់​ហង្សក្រហម Liverpool ដែល​ត្រូវ​ប៉ះ Southampton ប៉ុន្តែ​វា​គ្រាន់​តែ​ជា​ការ​ប្រកួត​បង្គ្រប់​កិច្ច​តែ​ប៉ុណ្ណោះ ព្រោះ​បេក្ខភាព​ដែល​មាន​កៅអី​លេង UCL បាន​រក​ឃើញ​ហើយ ដែល​ក្រុម​ទាំង​នោះ​មាន Manchester United, Manchester City, Arsenal និង Newcastle United។

ប្រភព: Dailypost NG