Connect with us

បាល់ទាត់អន្តរជាតិ

Benzema នឹង​ទទួល​បាន​ប្រាក់ 200 លានអឺរ៉ូ ប្រសិន​បើ​គាត់​សម្រេច​ចិត្ត​ចាកចេញ​ពី Real Madrid

Published

on

តារា​ឆ្នើម Karim Benzema ដែល​ជា​ខ្សែប្រយុទ្ធ​របស់​ក្លឹប​អធិរាជស Real Madrid អាច​នឹង​សម្រេច​ចិត្ត​ចូល​រួម​ជាមួយ​ក្លឹប Al-Ittihad របស់​អារ៉ាប៊ីសាអូឌីត បន្ទាប់​ពី​មាន​ការ​ផ្ដល់​ជូន​នូវ​សំណើរ​ជា​ទឹកប្រាក់​ដ៏​ច្រើន​សន្ធឹក​សន្ធាប់។ កីឡាករ​សញ្ជាតិ​បារាំង​រូប​នេះ ត្រូវ​បាន​គេ​​ដឹង​ថា ធ្លាប់​បាន​បដិសេធ​នូវ​សំណើរ​ពី​ក្លឹប​អារ៉ាប៊ីសាអូឌីត​ម្ដង​រួច​មក​ហើយ ប៉ុន្តែ​ការ​ដាក់​សំណើរ​លើក​នេះ​មាន​ទឹកប្រាក់​ច្រើន​ជាង​សំណើរ​មុន។

យ៉ាង​ណា​មិញ​របាយការណ៍​ពី​លោក Rudy Galletti បាន​អះអាង​ថា Karim Benzema ជិត​នឹង​ឈាន​ដល់​ចំណុច​បញ្ចប់​នៃ​ការ​ផ្ទេរ​ទៅ​ចូល​រួម​ជាមួយ​ក្លឹប​យក្ស​នៅ​អារ៉ាប៊ីសាអូឌីត​ហើយ ដោយ​ពួក​គេ​នឹង​ចុះ​កុងត្រា​ជាមួយ​គាត់​ក្នុង​រង្វង់​ទឹកប្រាក់​ប្រមាណ​ជា 200 លានអឺរ៉ូ សម្រាប់​ពីរ​រដូវកាល ហើយ​ការ​ផ្ដល់​ជូន​នេះ គឺ​នឹង​ធ្វើ​ឲ្យ​កីឡាករ​វ័យ 35 ឆ្នាំ​រូប​នេះ​ពិបាក​នឹង​បដិសេធ​បំផុត។

ទោះ​ជា​យ៉ាង​ណា​ក៏​ដោយ Karim Benzema មិន​មែន​ជា​ខ្សែ​ប្រយុទ្ធ​ដែល​ធ្លាក់​ជើង​ទៅ​តាម​វ័យ​របស់​គាត់​ឡើយ ហើយ​កីឡាករ​រូប​នេះ​នៅ​តែ​មាន​ទម្រង់​​លេង​យ៉ាង​ល្អ​ក្នុង​រដូវ​កាល​នេះ(2022-2023)។ ទោះ​បី​ជា​គាត់​ប្រឈម​នឹង​​បញ្ហា​របួស​មួយ​ចំនួន​ក៏​ដោយ គាត់​នៅ​អាច​រក​គ្រាប់​បាល់​ស៊ុត​បញ្ចូលទី​បាន 30 គ្រាប់ និង Assists 6 ដង ក្នុង​ការ​បង្ហាញ​ខ្លួន 42 ប្រកួត​សម្រាប់ Real Madrid។

ប្រភព: Dailypost NG

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២