បាល់ទាត់អន្តរជាតិ
Sergio Busquets ទស្សន៍ទាយថា Man City នឹងទឹកភ្នែកក្រោមថ្វីជើងរបស់ Inter Milan ក្នុងវគ្គផ្ដាច់ព្រ័ត UCL
វីរបុរសរបស់ក្លឹបអ្នកមានបុណ្យ Barcelona គឺខ្សែបម្រើ Sergio Busquets បានទស្សន៍ទាយពីក្រុមដែលអាចមានសមត្ថភាពលើកពាន UCL រដូវកាលនេះ ដោយគាត់បានលើកឡើងថា Inter Milan មានខ្សែប្រយុទ្ធដែលមានសមត្ថភាពអាចធ្វើឲ្យ Manchester City ឈឺចាប់ជាថ្មីម្ដងទៀតនៅក្នុងវគ្គផ្ដាច់ព្រ័ត។
យ៉ាងណាមិញនេះជាការទស្សន៍ទាយពីការយល់ឃើញផ្ទាល់ខ្លួនរបស់ខ្សែបម្រើរូបនេះ មុនការប្រកួត UEFA Champions League វគ្គផ្ដាច់ព្រ័តមកដល់ ដែលជាការជួបគ្នារវាងក្រុមខ្លាំង Man City ជាមួយ Inter Milan នៅថ្ងៃទី 10 ខែមិថុនា ខាងមុខ នៅក្នុងទឹកដីនៃប្រទេសទួរគី។
Busquets មានអារម្មណ៍ថា Inter Milan ជាក្រុមដែលគ្រោះថ្នាក់សម្រាប់ Manchester City ដោយគាត់បានដឹងពីសមត្ថភាពរបស់ក្លឹបអ៊ីតាលីមួយនេះច្បាស់ ព្រោះ Barcelona ក៏ធ្លាប់បានប៉ះគ្នាជាមួយ Inter Milan នៅក្នុងវគ្គចែកពូលរដូវកាលនេះដែរ។ ខ្សែបម្រើវ័យ 34 ឆ្នាំរូបនេះបាននិយាយតាមរយៈ Football-Italia ថា៖ “គ្រប់គ្នាគិតថា Manchester City នឹងឈ្នះ ប៉ុន្តែត្រូវប្រយ័ត្ន Inter Milan។ អ្វីៗអាចកើតឡើងនៅវគ្គផ្តាច់ព្រ័ត្រ ហើយវាមិនមែនជារឿងដែលយើងចេះតែនិយាយនោះទេ”។
Busquets បានបន្តទៀតថា៖ “វាមានភាពស្មុគស្មាញ នៅពេលដែលអ្នកលេងតទល់ជាមួយក្រុមដូចជា Inter Milan ដែលកីឡាករលេងក្នុងទីតាំងច្បាស់លាស់ ខ្សែការពារ 5 នាក់ ខ្សែបម្រើ 3 នាក់ និងខ្សែប្រយុទ្ធ 2 នាក់។ Inter Milan ការពារបានល្អណាស់ ហើយខ្សែប្រយុទ្ធក៏ជួយដល់ក្រុមផងដែរ។ យើងបានជួបពួកគេ 2 ដងហើយក្នុងរដូវកាលនេះ ហើយយើងពិបាក។ ប្រហែលជាពួកគេមិនបង្កើតឱកាសច្រើនទេ ប៉ុន្តែពួកគេនឹងលេងជាមួយនឹងខ្សែប្រយុទ្ធ 2 នាក់ទល់នឹងខ្សែការពារ 2 នាក់របស់ Man City ហើយខ្ញុំគិតថា ពួកគេអាចធ្វើឲ្យ Man City ឈឺចាប់ក្នុងពេលនោះ។ អ្វីៗអាចកើតឡើង”។
ប្រភព: Dailypost NG
-
បាល់ទាត់អន្តរជាតិ17 hours ago
UEFA កំពុងពិចារណាដាក់ពិន័យបន្ថែម លើខ្សែការពារ Ronald Araujo របស់ Barcelona
-
បាល់ទាត់អន្តរជាតិ3 days ago
Bayer Leverkusen ឈ្នះពានជើងឯកលីគ Bundesliga ជាលើកដំបូង ក្នុងប្រវត្តិសាស្ត្ររបស់ក្លឹប
-
បាល់ទាត់អន្តរជាតិ1 day ago
PSG លុត Barcelona 4-1 ឡើងទៅកាន់វគ្គពាក់កណ្ដាលផ្ដាច់ព្រ័ត UCL (មានវីដេអូ)