Connect with us

បាល់ទាត់អន្តរជាតិ

Sevilla ឈ្នះពាន Europa League ជា​លើក​ទី 7 ក្នុង​ប្រវត្តិសាស្ត្រ​របស់​ខ្លួន

Published

on

ក្លឹប​អេស្ប៉ាញ Sevilla FC បាន​យក​ឈ្នះ​ក្លឹប​មក​ពី​អ៊ីតាលី AS Roma ដោយ​ការ​ស៊ុត​បាល់​ប៉េណាល់​ទី​កាត់​សេចក្ដី ក្រោយ​បញ្ចប់​ការ​ថែម​ម៉ោង 15 នាទី​ពីរ​ដង ក្នុង​លទ្ធផល​ស្មើ 1-1 នៃ​ការ​ប្រកួត​វគ្គ​ផ្ដាច់ព្រ័ត Europa League។ ពួក​គេ​នៅ​តែ​ត្រូវ​បាន​ចាត់​ទុក​ជា​ក្រុម​ដែល​​មាន​រហ័ស្សនាម​ថា​ស្ដេច Europa League ខណៈ​ដែល​បច្ចុប្បន្ន​គ្មាន​ក្លឹប​ណា​ឈ្នះពាន​នេះ​ច្រើន​ជាង​ក្លឹប​អេស្ប៉ាញ​មួយ​នេះ​ឡើយ។

Sevilla បាន​ឈ្នះពាន Europa League ជា​លើក​ទី 7 ក្នុង​ប្រវត្តិសាស្ត្រ​ក្លឹប​របស់​ខ្លួន ហើយ​ពួក​គេ​ក៏​មាន​កៅអី​មួយ​សម្រាប់​លេង UEFA Champions League នៅ​រដូវកាល​ក្រោយ​ផង​ដែរ ទោះ​ពួក​គេ​បញ្ចប់​ក្នុង​ចំណាត់​ថ្នាក់​លេខ 11 នៃ​តារាង​លីគកំពូល​របស់​អេស្ប៉ាញ La Liga ក៏​ដោយ។

គ្រាប់​បាល់​បើក​ឆាក​នៅ​ក្នុង​ការ​ប្រកួត​រវាង​ក្រុម​ទាំង​ពីរ គឺ​ជា​ការ​ស៊ុត​បញ្ចូលទី​ពី​សំណាក់ ខ្សែប្រយុទ្ធ​ឆ្នើម​សញ្ជាតិ​អាហ្សង់ទីន Paulo Dybala នៅ​នាទីទី 34 ប៉ុន្តែ Sevilla បាន​តាម​ស្មើ​វិញ ក្រោយ​ពេល​ខ្សែ​ការពារ Gianluca Mancini បង្ករ​កំហុស​ឲ្យ​បាល់​ចូលទី​ខ្លួន​ឯង​នៅ​នាទីទី 55។ លទ្ធផល​នេះ​បាន​បន្ត​រហូត​ដល់​ការ​ស៊ុតបាល់​ប៉េណាល់​ទី​កាត់​សេចក្ដី ហើយ​កីឡាករ​ចុង​ក្រោយ​ដែល​ទាត់​ប៉េណាល់ទី​ជ័យ​ជំនះ​នោះ​គឺ Gonzalo Montiel របស់ Sevilla។

ប្រភព: Sportsmole

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២