Connect with us

បាល់ទាត់អន្តរជាតិ

Pep ចង់​រក្សា​ទុក Gabriel Jesus ទោះ​ក្លឹប​ចុះ​ហត្ថលេខា​យក​កីឡាករ​ចំណូល​ថ្មី​មក​ក៏​ដោយ

Published

on

ខ្សែប្រយុទ្ធ Gabriel Jesus របស់​ក្លឹប Manchester City បាន​បដិសេធ​មិន​និយាយ​ពី​អនាគត​របស់​គាត់ នៅ​ចុង​បញ្ចប់​នៃ​រដូវកាល​នេះ​នោះ​ទេ ខណៈ​ដែល​មាន​ពាក្យ​ចចាម​អារ៉ាម​ជា​ច្រើន​បាន​លើក​ឡើង​ជា​ហូរហែ​ថា គាត់​ត្រៀម​នឹង​ចាកចេញ​ពី​ទឹកដី Etihad Stadium ឆាប់ៗ​ខាង​មុខ​នេះ។

យោង​តាម​ប្រភព​ច្បាស់​ការណ៍​មួយ​បាន​លើក​ឡើង​ថា ក្លឹប​មេឃខៀវ Manchester City នឹងលក់ Gabriel Jesus នៅ​រដូវក្តៅ​នេះ ប្រសិន​បើ​គាត់​មិន​បន្ត​កុងត្រា​ថ្មី តាម​លក្ខខណ្ឌ​នៃ​កុងត្រា​បច្ចុប្បន្ន​របស់​ខ្លួន ដែល​​នៅ​សល់ 12 ខែ​ចុងក្រោយ​នេះ​ទេ។

ភាព​ស្ទាក់ស្ទើរ​នៅ​ក្នុង​ការ​សម្រេច​ចិត្ត​របស់ Gabriel Jesus គឺ​ការ​បង្ហាញ​មុខ​នៅ​ក្នុង​ការ​ប្រកួត​របស់​ក្លឹប។ ដោយ​ឡែក​​លោក Pep Guardiola នៅ​តែ​មាន​ចិត្ត​ចង់​ឲ្យ​ក្លឹប​រក្សា​ទុក Gabriel Jesus បន្ត​ទៀត ទោះបី​ក្លឹប​ចុះហត្ថលេខា​លើ​ខ្សែប្រយុទ្ធ​ចំណូល​ថ្មី​នៅ​រដូវក្តៅ​នេះក៏​ដោយ។

​បន្ទាប់​​ពី​ការ​ស៊ុត​បញ្ចូល​ទី 4 ​គ្រាប់​របស់​គាត់​ទល់​នឹង Watford កាល​ពី​ចុង​សប្តាហ៍​កន្លង​ទៅ Gabriel Jesus បាន​និយាយ​ទាក់ទង​នឹង​អនាគត​របស់​ខ្លួន​ថា “វា​មិន​មែន​ជា​ពេល​វេលា ដើម្បី​គិត​អំពី​រឿង​នេះ​ទេ។ ឥឡូវ​នេះ គឺ​ជា​ពេលវេលា​ដ៏​ល្អ​បំផុត​នៃ​រដូវកាល​នេះ។ ខ្ញុំ​ចង់​រីករាយ ដើម្បី​បន្ត​ជាមួយ​ក្រុម​របស់ខ្ញុំ ជាមួយ​មិត្ត​រួម​ក្រុម​របស់​ខ្ញុំ ដើម្បី​ប្រយុទ្ធ​ឈ្នះពាន Premier League ។ ខ្ញុំ​បាន​ឈ្នះ​វា​ជាមួយ​មិត្ត​រួម​ក្រុម​របស់​ខ្ញុំ​បីដង​មក​ហើយ”។

ប្រភព: 90 Min

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២