បាល់ទាត់អន្តរជាតិ
Lionel Messi៖ ការសម្របខ្លួនជាមួយ PSG គឺពិបាកជាងអ្វីដែលខ្ញុំបានរំពឹងទុក
ខ្សែប្រយុទ្ធឆ្នើមរបស់ក្រុមជម្រើសជាតិអាហ្សង់ទីន Lionel Messi បានសារភាពថា គាត់បានឃើញខ្លួនឯង ដោយការសម្របខ្លួន ក្នុងការរស់នៅជាមួយ Paris Saint-Germain គឺពិបាកជាងការរំពឹងទុក។ ម្ចាស់ពាន Ballon d’Or 7 សម័យរូបនេះ ត្រូវបង្ខំចិត្តចាកចេញទាំងទឹកភ្នែកពី Barcelona ក្នុងឆ្នាំ 2021 ដោយសារបញ្ហាហិរញ្ញវត្ថុរបស់ក្លឹប ហើយបានចូលរួមជាមួយ PSG ក្នុងកុងត្រារយៈពេល 2 ឆ្នាំ។
ទោះបីជាទម្រង់លេងរបស់គាត់ស្ថិតក្នុងកម្រិតកំពូលនៅក្របខណ្ឌ La Liga របស់អេស្ប៉ាញក៏ដោយ Messi មិនមានទម្រង់លេងដ៏ល្អនៅ Parc des Princes ឡើយ ហើយរកបានតែ 6 គ្រាប់ប៉ុណ្ណោះ ក្នុងរដូវកាលដំបូងរបស់គាត់ដែលជាការប្រកួតនៅ Ligue 1។ យ៉ាងណាកីឡាករវ័យ 36 ឆ្នាំរូបនេះនៅតែជួយក្រុមដោយមានស្ថិតិ Assist 15 ដង ខណៈដែល PSG ដណ្តើមបានជើងឯកក្របខ័ណ្ឌកំពូលនៃប្រទេសបារាំង។
រដូវកាលបន្ទាប់ Messi ចាប់ផ្ដើមមានទម្រង់លេងល្អប្រសើរឡើងវិញ ក្រោមការដឹកនាំរបស់គ្រូបង្វឹកថ្មីលោក Christophe Galtier ដោយគាត់បានស៊ុតបញ្ចូលទី 21 គ្រាប់ និង 20 Assists ក្នុង 41 ប្រកួត នៅគ្រប់ព្រឹត្តិការណ៍ទាំងអស់របស់ក្លឹប។ ដោយឡែកថ្មីៗនេះ Lionel Messi បាននិយាយនៅក្នុងបទសម្ភាសន៍ជាមួយ beIN Sports ថា៖ “ការពិតគឺថា វាជាការសម្របខ្លួនដ៏លំបាកមួយ លើសពីអ្វីដែលខ្ញុំរំពឹងទុក។ ទោះបីជាមានមនុស្សដែលខ្ញុំស្គាល់នៅទីនោះ និងមានទំនាក់ទំនងល្អជាមួយពួកគេក៏ដោយ វាពិតជាលំបាកក្នុងការសម្របខ្លួនទៅនឹងការផ្លាស់ប្តូរថ្មី ការផ្ទេរយឺតយ៉ាវ និងមិនបានលេងនៅក្នុងការប្រកួតបើករដូវកាល (Pre-season)”។
ប្រភព: Sportsmole
ទម្រង់របស់ Real Madrid មិនទាន់នឹងនរនៅឡើយទេ បន្ទាប់Tony Kroos
ក្រុម Crystal Palace ឈ្នះពាន FA Cup ជាលើកដំបូងក្នុងប្រវត្តិសាស្ត្រ បន្ទាប់ពីរង់ចាំអស់ពេលជាង ១២០ឆ្នាំ
ទីបំផុត Bologna ទទួលបានពានរង្វាន់ធំជាលើកដំបូង ក្រោយពីរង់ចាំអស់ ៥១ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
