បាល់ទាត់អន្តរជាតិ
Barcelona រកឃើញកីឡាករម្នាក់ ដែលអាចលេងកន្លែងរបស់ Jordi Alba បាន!!!
ក្លឹបអ្នកមានបុណ្យ Barcelona បានបន្តទំនាក់ទំនងជាមួយខ្សែការពារឆ្វេង Alejandro Grimaldo របស់ក្លឹប Benfica ខណៈដែលរបាយការណ៍ច្បាស់ការណ៍មួយពី Mundo Deportivo បានអះអាងថា កីឡាកររូបនេះ ក៏កំពុងស្វែងរកឱកាសក្នុងការវិលត្រឡប់មកកាន់ទឹកដី Camp Nou ដែលជាអតីតក្លឹបចាស់របស់ខ្លួនផងដែរ។
Grimaldo ដែលបច្ចុប្បន្នមានវ័យ 26 ឆ្នាំ កំពុងត្រូវបានក្លឹប Barcelona សម្លឹងមើលឃើញថា កីឡាកររូបនេះ មានគុណភាពល្អ អាចនឹងយកមកជំនួសកន្លែងរបស់ Jordi Alba បាន ដោយបច្ចុប្បន្ននេះ Jordi Alba ក៏មានវ័យ 33 ឆ្នាំទៅហើយដែរ។
ថ្វីត្បិតតែការលេងរបស់ Jordi Alba នៅតែល្អ ប៉ុន្តែគាត់ងាយនឹងរបួសជាងមុន ហើយកាយសម្បទារ ក៏ដូចជាល្បឿនក៏ថមថយជាងមុនដែរ។
ដោយឡែក Alejandro Grimaldo នៅមានកុងត្រាជាមួយ Benfica រហូតដល់ឆ្នាំ 2023 ហើយក្លឹប Benfica បានព្យាយាមបន្តកុងត្រាថ្មីបន្ថែមទៀតជាមួយគាត់ ប៉ុន្តែ Alejandro Grimaldo បានបដិសេធមិនបន្តកុងត្រាថ្មីឡើយ ដែលមើលទៅហាក់ដូចជាកំពុងបើកភ្លើងខៀវឲ្យ Barcelona។
គួររំលឹកផងដែរថា Alejandro Grimaldo គឺជាកីឡាករសញ្ជាតិអេស្ប៉ាញ ដែលកើតចេញពីថ្នាលយុវជនរបស់ក្លឹប Barcelona ហើយបានផ្ទេរទៅ Benfica កាលពីឆ្នាំ 2015 ក្នុងតម្លៃផ្ទេរ 2 លានអឺរ៉ូ។
ប្រភព: Barcauniversal
ហេតុផលទាំង 4 ដែល FIFA មិនអនុញ្ញាតឱ្យកីឡាករមានក្លឹបច្រើននៅក្នុងដៃ
Manchester United កំពុងពិចារណាយកអ្នកចាំទីម្នាក់តម្លៃ ៧៥លានអឺរ៉ូ មកជំនួសកន្លែង Onana
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
