Barcelona នឹង​លក់ De Jong ក្នុង​តម្លៃ 75 លាន​អឺរ៉ូ ខណៈ​ដែល Bayern Munich និង Man United កំពុងត្រៀម​លុយ

លើស​ពី​ការ​ដែល​ក្លឹប​បិសាចក្រហម Manchester United ចាប់​អារម្មណ៍​ចង់​បាន Frenkie de Jong នោះ នៅ​មាន​ក្លឹប​ជា​ច្រើន​ទៀត​កំពុង​ចង់​បាន​ខ្សែ​បម្រើ​ឆ្នើម​រូប​នេះ​ដែរ បន្ទាប់​ពី Barcelona បង្កើប​ពី​ចំណង់​ដែល​ចង់​លក់​ខ្សែ​បម្រើ​រូប​នេះ ប្រសិន​បើ​ត្រូវ​ថ្លៃ​ខ្ទង់ 75 លានអឺរ៉ូ។

ខុស​ពី​ក្លឹប Manchester United និង Bayern Munich ដែល​ជា​ក្លឹប​យក្ស​ចង់​បាន Frenkie de Jong សូម្បី​តែ​ក្លឹប Arsenal ក៏​ត្រូវ​បាន​ផ្សារ​ភ្ជាប់​នឹង​ការ​ផ្ទេរ​ខ្សែ​បម្រើ​រូប​នេះ​ផង​ដែរ ខណៈ​ដែល​អ្នក​វិភាគ​ច្រើន​គិត​ថា Frenkie de Jong អាច​នឹង​ពេញ​ចិត្ត​ក្នុង​ការ​ផ្ទេរ​ទៅ​កាន់​ក្លឹប​កាំភ្លើងធំ Arsenal ព្រោះ​កីឡាករ​រូប​នេះ​ធ្លាប់​បាន​និយាយ​ថា ខ្លួនចង់​ដើរ​តាម​គន្លង​របស់​វីរបុរស Marc Overmars។ អតីត​តារា​ឆ្នើម​សញ្ជាតិ​ហូឡង់ Marc Overmars ជា​កីឡាករ​របស់ Ajax ដែល​ធ្លាប់​លេង​នៅ Barcelona និង Arsenal។

កីឡាករ​សញ្ជាតិ​ហូឡង់ Frenkie de Jong បាន​ក្លាយ​ជា​ខ្សែបម្រើ​ដ៏​សំខាន់​របស់​ក្លឹប​អ្នក​មាន​បុណ្យ Barcelona ចាប់​តាំង​ពី​ចូល​រួម​ជាមួយ​ក្លឹប​មក។ ដំបូង​ឡើយ Barcelona ហាក់​ដូច​ជា រក្សារ​ជំហរ​ដ៏​រឹងមាំ​របស់​ខ្លួន មិន​លក់ De Jong ឡើយ ប៉ុន្តែ​ក្រោយ​មក​ទៀតត្រូវ​បាន​គេ​រាយការណ៍​ថា ពួក​គេ​នឹង​អនុញ្ញាត​ឲ្យ De Jogn ចាកចេញ​នៅ​រដូវ​ក្តៅនេះ ក្នុង​តម្លៃ​ផ្ទេរ​ដ៏​សមរម្យ​អាច​ទទួល​យក​បាន។

ប្រភព: Mirror