បាល់ទាត់អន្តរជាតិ
Inter Miami កំពុងរៀបគម្រោងឲ្យ Messi អាចវិលត្រឡប់មកលាអ្នកគាំទ្រនៅ Camp Nou វិញ
សហស្ថាបនិកក្លឹប Inter Miami លោក Jorge Mas បានបញ្ជាក់កាលពីពេលថ្មីៗនេះថា ក្រុមរបស់លោកនឹងជួយខ្សែប្រយុទ្ធសញ្ជាតិអាហ្សង់ទីន Lionel Messi ឲ្យទទួលបានឱកាសចុងក្រោយមួយ ក្នុងការវិលត្រឡប់មក Camp Nou វិញ ដើម្បីលាជាមួយមិត្តរួមក្រុមចាស់ និងអ្នកគាំទ្រដ៏អស្ចារ្យរបស់ខ្លួន។
យ៉ាងណាមិញ Lionel Messi បានចាកចេញពី Barcelona ទៅ PSG យ៉ាងតក់ក្រហល់កាលពីខែសីហា ឆ្នាំ 2021។ នៅរដូវក្តៅនេះ ម្ចាស់ពានរង្វាន់ Ballon d’Or ប្រាំពីរសម័យកាលរូបនេះ បានសម្រេចចិត្តចាកចេញពី PSG ទៅ Inter Miami ខណៈដែលគាត់ក៏មានឱកាសក្នុងការវិញត្រឡប់ទៅ Camp Nou វិញផងដែរ។
Messi មិនចង់ឲ្យ Barcelona មានសម្ពាធ ជាមួយនឹងវត្តមានរបស់គាត់នៅក្លឹបយក្សកាតាឡាន់វិញនោះទេ។ គាត់បានជ្រើសយកជម្រើសដោយទៅលេងនៅទឹកដីអាមេរិច ហើយទីនោះក៏ប្រហែលជាពេលវេលាចុងក្រោយនៃអាជីពបាល់ទាត់របស់គាត់ផងដែរ។ Messi មិនត្រូវបានគេមើលឃើញថា មានឱកាសពាក់អាវរបស់ Barcelona ម្ដងទៀតនោះទេ ស្របពេលដែលគាត់មានវ័យ 36 ឆ្នាំទៅហើយ។
ថ្វីត្បិតតែបែបនេះក៏ដោយលោក Jorge Mas ចង់ឲ្យ Messi មានឱកាសដ៏ពិសេសមួយ ដើម្បីឲ្យគាត់អាចលាអ្នកគាំទ្រ និងអតីតក្លឹបដែលគាត់ស្រឡាញ់បំផុត។ Jorge Mas បានប្រាប់ថា Messi នៅមិនទាន់មានឱកាសនិយាយលាអ្នកគាំទ្រ Barcelona ឲ្យបានត្រឹមត្រូវឡើយ ចាប់តាំងពីចាកចេញកាលពីឆ្នាំ 2021 មក។ ក្នុងផតខេសន៍របស់ Taylor Twellman លោក Jorge Mas បានបញ្ជាក់ថា៖ “Messi នឹងត្រឡប់ទៅ Camp Nou វិញ។ ខ្ញុំមិនដឹងថា វាជាការប្រកួតមិត្តភាព រឺការលាគ្នានោះទេ។ តែពួកគេនៅមានពានរង្វាន់ Gamper Trophy ដែលពួកគេត្រូវលេងនៅរដូវក្តៅនេះ”។
ប្រភព: Dailypost NG
ហេតុផលទាំង 4 ដែល FIFA មិនអនុញ្ញាតឱ្យកីឡាករមានក្លឹបច្រើននៅក្នុងដៃ
Manchester United កំពុងពិចារណាយកអ្នកចាំទីម្នាក់តម្លៃ ៧៥លានអឺរ៉ូ មកជំនួសកន្លែង Onana
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
