Connect with us

បាល់ទាត់អន្តរជាតិ

Barcelona នឹង​ប្រើប្រាស់​ថវិកា​ដែល​បាន​ពី​ការ​លក់ Dembele មក​ដេញ​ថ្លៃ Joao Cancelo

Published

on

យោងតាម​របាយការណ៍​ចុង​ក្រោយ​មួយ​ដែល​បាន​ចុះ​ផ្សាយ​ដោយ​អ្នក​កាសែត​ល្បី​ឈ្មោះ Fabrizio Romano បាន​ឲ្យ​ដឹង​ថា ក្លឹប​អ្នក​មាន​បុណ្យ Barcelona នឹង​ប្រើប្រាស់​ផ្នែក​មួយ​នៃ​កិច្ច​ព្រមព្រៀង​លក់ Ousmane Dembele ទៅ​ឲ្យ PSG មក​ដេញ​ថ្លៃ​យក​ខ្សែការពារ Joao Cancelo របស់​ក្លឹប Man City។

យ៉ាង​ណា​មិញ កិច្ច​ព្រមព្រៀង Ousmane Dembele ជាមួយ PSG នឹង​សម្រេច​ជា​ផ្លូវការណ៍​នៅ​ចុង​សប្តាហ៍​នេះ ខណៈ​ដែល​កាល​ពី​ព្រឹកមិញ គ្រូ​បង្វឹក​របស់​ក្លឹប​យក្ស​កាតាឡាន់​លោក Xavi Hernandez បាន​និយាយ​ពី​រឿង​នេះ​ផង​ដែរ​ថា ខ្សែ​ប្រយុទ្ធ​ស្លាប​សញ្ជាតិ​បារាំង​រូប​នេះ​នឹង​ជ្រើសយក​ជម្រើស​នៃ​ការ​ចាកចេញ​ទៅ​ទឹកដី​កំណើត​របស់​ខ្លួន​វិញ បើ​ទោះ​បី​ជា​គាត់​បញ្ចុះ​បញ្ចូល​គេ​បែប​ណា​ក៏​មិន​បាន​សម្រេច​ដែរ។

បច្ចុប្បន្ន​គេ​បាន​ដឹង​ថា Joao Cancelo គឺ​ជា​គោលដៅ​សំខាន់​របស់ Barcelona ស្រប​ពេល​ដែល​ពួក​គេ​បាន​ចាប់​អារម្មណ៍​លើ​ខ្សែការពារ​ស្ដាំ​រូប​នេះ​ជា​យូរ​មក​ហើយ ប៉ុន្តែ​ត្រូវ​បាន​រំខាន​ដោយ​បញ្ហា​ហិរញ្ញ​វត្ថុ​របស់​នៅ​ក្លឹប​របស់​ខ្លួន។ ក្នុង​ករណី​ដែល​កិច្ចព្រមព្រៀង Cancelo មិន​អាច​កើត​ឡើង Barcelona ក៏​បាន​កំណត់​គោលដៅ​បន្ទាប់​របស់​ខ្លួន​រួច​ហើយ​ផង​ដែរ ដោយ​ពួក​គេ​នឹង​ចរចា​ផ្ទេរ​ខ្សែការពារ​របស់​ក្លឹប Valladolid វិញ​ម្ដង គឺ​កីឡាករ Ivan Fresneda។

ប្រភព: Fabrizio Romano

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២