PSG នៅ​តែ​ដាក់​កីឡាករ​សំខាន់ៗ​ឲ្យ​ចូល​លេង ទោះ​បី​ខ្លួន​ឈ្នះ​ពាន​លីគ​ហើយ​ក៏​ដោយ

ក្លឹប Paris Saint-Germain បាន​ក្លាយ​ជា​ម្ចាស់​ជើង​ឯក​ប្រចាំ​លីគកំពូល​របស់​ប្រទេស​បារាំង Ligue 1 មុន​បិទ​រដូវកាល និង​នៅ​សល់​ការ​ប្រកួត 4 ទៀត។ ដោយ​ឡែក​នៅ​ម៉ោង 2 រំលង​អាធ្រាត (ម៉ោង​នៅកម្ពុជា) Paris Saint-Germain នឹង​ធ្វើ​ការ​ប្រកួត​ជា​មួយ​ក្រុម​ម្ចាស់​ផ្ទះ Strasbourg ដែល​ជា​ការ​ប្រកួត​ក្របខណ្ឌ Ligue 1។

បន្ទាប់​ពី​បាន​ឈ្នះ​ជើង​ឯក Ligue 1 កាល​ពី​ចុងសប្តាហ៍​មុន Paris Saint-Germain នៅ​មាន​បំណង​ចង់​បញ្ចប់​យុទ្ធនា​ការ​របស់​ពួក​គេ​នៅ​រដូវកាល​នេះ ដោយ​ការ​ឈ្នះ​ការ​ប្រកួត​ទាំង​អស់​ដែល​នៅ​សល់​ចំនួន 4 ប្រកួត។

Paris Saint-Germain បាន​បង្ហាញ​បញ្ជី​ឈ្មោះ​កីឡាករ​សំខាន់ៗ​ដែល​ត្រៀម​នឹង​ចូល​លេង​នៅ​យប់​នេះ មាន​ដូច​ជា: Navas; Marquinhos, Ramos, Kimpembe; Hakimi, Verratti, Ebimbe, Mendes; Messi, Mbappe, Neymar។

ប្រភព: Thehardtackle