Connect with us

បាល់ទាត់អន្តរជាតិ

អតីត​ខ្សែប្រយុទ្ធ​ម្នាក់​នៃក្របខ័ណ្ឌ Premier League ប្រាប់​ឲ្យ​បិសាចក្រហម​លក់ David de Gea និង Marcus Rashford នៅ​រដូវក្តៅ​នេះ

Published

on

អតីត​ខ្សែប្រយុទ្ធ​នៃ​ក្របខ័ណ្ឌ Premier League លោក Kevin Phillips បាន​ផ្តល់​ដំបូន្មាន​ដ៏គួរឲ្យ​ចាប់​អារម្មណ៍​មួយ ​ដល់​ក្លឹប​បិសាចក្រហម Manchester United ដោយ​លោក​លើក​ឡើង​ថា ក្លឹប​គួរ​តែ​ចែកផ្លូវ​ជាមួយ David de Gea និង Marcus Rashford នៅ​រដូវ​ក្តៅ​នេះ។

ខ្សែប្រយុទ្ធ Marcus Rashford បាន​ស្ថិត​ក្នុង​រដូវកាល​ដ៏អាក្រក់​បំផុត​ក្នុង​អាជីព​របស់​គាត់​នៅ​រដូវកាល​នេះ ដោយ​ស៊ុតបញ្ចូលទី​បាន​តែ 5 គ្រាប់​ប៉ុណ្ណោះ ក្នុងការ​បង្ហាញ​ខ្លួន 32 ប្រកួត។ ទន្ទឹម​នឹង​នេះដែរ De Gea បានក្លាយជា​កីឡាករ​ល្អ​បំផុត​របស់​ក្លឹប​នៅ​រដូវកាលនេះ ដោយ​រក្សា​បាន Clean Sheet ប្រាំបួន​ដង ក្នុង 43 ប្រកួត​។

ក្លឹប​បិសាចក្រហម Manchester United បាន​នឹង​បញ្ចប់​យុទ្ធនាការ​ដ៏​គួរ​ឲ្យ​សង្វេគ​នារដូវកាល​ឆ្នាំ 2021-22 នេះ។ ពួកគេ​ស្ថិត​ក្នុង​ចំណាត់​ថ្នាក់​លេខ 6 ក្នុង​ក្របខណ្ឌ Premier League មាន 5 ពិន្ទុ​តាម​ពី​ក្រោយ​ក្រុម​កាំភ្លើងធំ Arsenal ដែលមាន 2 ប្រកួត​ក្នុងដៃបន្ថែម​ទៀត។ អ្នក​ចាត់​ការ​ថ្មី Erik ten Hag ត្រូវ​បាន​គេ​រំពឹង​ថា នឹង​កែប្រែ​បញ្ហា​គ្រប់​យ៉ាង​សម្រាប់​ក្លឹប​បិសាចក្រហម នារដូវកាល​ក្រោយ។

ប្រភព: Sportskeeda

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២