បាល់ទាត់អន្តរជាតិ
កីឡាករ 5 រូប ដែលក្លឹបបិសាចក្រហម Manchester United ចំណាយប្រាក់ផ្ទេរច្រើនបំផុត!!!
ក្លឹបបិសាចក្រហម Manchester United គឺជាក្លឹបជោគជ័យបំផុតមួយក្នុងប្រទេសអង់គ្លេស។ ការឈ្នះពានលីគកំពូល 20 ដង, FA Cup 12 ដង, League Cup 6 ដង និង UEFA Champions League 3 ដង ជាកំណត់ត្រាដែលក្លឹបផ្សេងពិបាកនឹងធ្វើបាន។ ជាមួយនឹងភាពជោគជ័យនេះដែរ Manchester United ក៏ធ្លាប់ជាក្លឹបដែលចំណាយប្រាក់ទិញកីឡាករដ៏ច្រើន ក្នុងប្រវត្តិសាស្ត្រផងដែរ។ ខាងក្រោមនេះ យើងនឹងលើកយកការផ្ទេរកីឡាករថ្លៃៗទាំង 5 រូបរបស់ក្លឹបបិសាចក្រហម។
5. Jadon Sancho – ចំណាយ 73 លានផោន
អតីតយុវជនរបស់ក្លឹប Manchester City រូបនេះបានចាកចេញពី Borussia Dortmund មកបិសាចក្រហម ក្នុងតម្លៃ 73 លានផោនក្នុងឆ្នាំ 2021 បន្ទាប់ពីគាត់បានបង្ហាញទម្រង់លេងយ៉ាងលេចធ្លោរនៅទឹកដីអាឡឺម៉ង់ ដោយស៊ុតបញ្ចូលទីបាន 50 គ្រាប់ និង Assists 64 ដង។
4. Romelu Lukaku – ចំណាយ 75 លានផោន
Romelu Lukaku គឺជាកីឡាករម្នាក់ដែលត្រូវក្លឹបបិសាចក្រហមចំណាយលុយផ្ទេរដ៏ច្រើន ដោយខ្សែប្រយុទ្ធរូបនេះបានចូលរួមជាមួយពួកគេនៅថ្ងៃទី 10 ខែកក្កដា ឆ្នាំ 2017។ ក្នុងពីររដូវកាលនៅ Man United គាត់បានស៊ុតបញ្ចូលទីសរុបបាន 42 គ្រាប់។
3. Harry Maguire – ចំណាយ 80 លានផោន
ខ្សែការពារ Harry Maguire បានចុះហត្ថលេខាជាមួយ Man United ក្នុងឆ្នាំ 2019 ក្នុងតម្លៃផ្ទេរ 80 លានផោនពី Leicester City ដែលជាតម្លៃថ្លៃបំផុតមួយក្នុងការទិញខ្សែការពារថ្លៃបំផុតក្នុងប្រវត្តិសាស្ត្ររបស់ពួកគេ។
2. Antony – ចំណាយ 82 លានផោន
Antony គឺជាអតីតកូនក្រុមរបស់គ្រូបង្វឹកលោក Erik ten Hag នៅ Ajax ហើយខ្សែប្រយុទ្ធស្លាបសញ្ជាតិប្រេស៊ីលរូបនេះបានផ្ទេរមក Old Trafford នៅឆ្នាំ 2022 ជាមួយនឹងតម្លៃផ្ទេរដ៏ខ្ពស់បំផុតមួយ ជាមួយនឹងកុងត្រារយៈពេល 5 ឆ្នាំ។
1. Paul Pogba – ចំណាយ 90 លានផោន
ក្លឹបបិសាចក្រហមបានខាតបង់ជាមួយនឹងកីឡាករថ្លៃបំផុតរូបនេះច្រើនណាស់ ខណៈដែល Paul Pogba បានចាកចេញពី Man Unitd ដោយមិនគិតថ្លៃក្នុងឆ្នាំ 2012 ទៅចូលរួមជាមួយ Juventus។ ក្រោយឃើញពីទម្រង់ដ៏លេចធ្លោរ បិសាចក្រហមបានចុះហត្ថលេខានាំយកគាត់មកវិញក្នុងឆ្នាំ 2016 ជាមួយនឹងតម្លៃ 90 លានផោន។ នៅឆ្នាំ 2022 ខ្សែបម្រើរូបនេះបានចាកចេញទៅ Junventus វិញ ដោយគ្មានតម្លៃខ្លួន។
ប្រភព: Sportskeeda
ហេតុផលទាំង 4 ដែល FIFA មិនអនុញ្ញាតឱ្យកីឡាករមានក្លឹបច្រើននៅក្នុងដៃ
Manchester United កំពុងពិចារណាយកអ្នកចាំទីម្នាក់តម្លៃ ៧៥លានអឺរ៉ូ មកជំនួសកន្លែង Onana
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
