Ronaldo និង Son Heung-min ស្ថិត​ក្នុង​បញ្ជី​ឈ្មោះ​បេក្ខភាព​ដែល​អាច​ឈ្នះ​ពាន​កីឡាករ​ឆ្នើម​របស់ Premier League សម្រាប់​ខែ​មេសា

តារា​ឆ្នើម Cristiano Ronaldo និង Son Heung-min ត្រូវ​បាន​ជាប់​ជាបេក្ខភាព ​កីឡាករ​ដែល​អាច​ឈ្នះ​ពានរង្វាន់​កីឡាករ​ឆ្នើម​ប្រចាំ Premier League សម្រាប់​ខែ​មេសា​ឆ្នាំ​នេះ។

ដោយ​ឡែក​នៅ​ក្នុង​ខែមេសា​កន្លង​ទៅ Ronaldo បាន​ស៊ុត​បញ្ចូលទី​បាន 5 គ្រាប់ ​ក្នុង 4 ប្រកួត និង​ជួយ​បិសាច​ក្រហម Manchester United ក្នុង​ការ​ប្រកួត​សំខាន់ៗ​ជា​ច្រើន ខណៈ​ដែល Son រកបាន 4 គ្រាប់ និង Assists មួយ​គ្រាប់​សម្រាប់ Tottenham Hotspur។

លើស​ពី​នេះ​ទៅ​ទៀត​ខ្សែបម្រើ Kevin De Bruyne របស់​ក្លឹប Manchester City ក៏​មាន​ឈ្មោះ​ក្នុង​បេក្ខភាព​នៃ​ការ​ឈ្នះ​ពាន​រង្វាន់​នេះ​ទៀត​ផង។

ជាមួយ​គ្នា​នេះ​ដែរ ខ្សែបម្រើ Thiago Alcantara របស់​ក្លឹប​ហង្សក្រហម Liverpool ជា​បេក្ខភាព​មួយ ក្នុង​ចំណោម​បេក្ខភាព​ទាំង 8 រូប​នេះ ដែល​អាច​នឹង​ជ្រើសរើស​សម្រាប់​ឈ្នះពាន​នេះ ជា​មួយ​នឹង​ការ​បង្ហាញ​ទម្រង់​លេង​ដ៏​ល្អ និង​ជួយ​ក្រុម​ក្នុង​ការ​ប្រកួត​សំខាន់ៗ។

ខាង​ក្រោមនេះ គឺ​ជា​បញ្ជីឈ្មោះ​បេក្ខភាពទាំង​អស់ ដែល​ត្រៀម​ឈ្នះពាន​កីឡាករ​ឆ្នើម​ប្រចាំ​ខែ​មេសា សម្រាប់​ក្របខណ្ឌ​កំពូល Premier League របស់​អង់គ្លេស។

1. Nathan Collins – កីឡាករ​របស់ Burnley
2. Kevin De Bruyne – កីឡាករ​របស់ Manchester City
3. Bruno Guimaraes – កីឡាករ​របស់ Newcastle
4. Gabriel Jesus – កីឡាករ​របស់ Manchester City
5. Cristiano Ronaldo – កីឡាករ​របស់ Manchester United
6. Son Heung-min – កីឡាករ​របស់ Tottenham Hotspur
7. Thiago – កីឡាករ​របស់ Liverpool
8. Leandro Trossard – កីឡាករ​របស់ Brighton

ប្រភព: 90 Min