Mohamed Salah និង Karim Benzema កំពុង​ស្ថិត​ក្នុង​សមរភូមិ​ប្រជែងពាន Ballon d’Or

តារាឆ្នើម​របស់​ក្រុម​ហង្សក្រហម Liverpool គឺ​កីឡាករ Mohamed Salah បាន​លើក​ឡើង​ថា ការ​បញ្ចប់​រដូវកាល​ជាមួយ​នឹង​ពានរង្វាន់​ច្រើន អាច​ជា​គន្លឹះ​មួយ​​សម្រាប់​ឲ្យ​គាត់​ឈ្នះ Ballon d’Or ឆ្នាំ 2022 នេះ និង​ឈ្នះ​គូ​ប្រជែង Karim Benzema ផងដែរ។

ខ្សែប្រយុទ្ធ Karim Benzema ដែល​បច្ចុប្បន្ន​បាន​ឈ្នះ​ពាន La Liga ជាមួយ Real Madrid នៅ​រដូវកាល​នេះ ហើយ​នឹង​ប្រជែង​ជាមួយ Liverpool របស់ Salah នៅ UEFA Champions League ចុង​ខែ​នេះ​ទៀត​ផង។

វា​ប្រាកដ​ណាស់​ថា ក្នុង​ចំណោម​អ្នក​ពីរ ប្រសិនបើ​មាន​នរណា​ម្នាក់​អាច​ជួយ​ក្លឹប​ឲ្យ​ឈ្នះពាន​ច្រើន​ជាង​គេ ម្នាក់​នោះ​នឹង​មាន​ភាគ​រយ​ខ្ពស់​បំផុត​ក្នុង​ការ​ឈ្នះពាន​កីឡាករ​ដ៏​អស្ចារ្យ​គឺ Ballon d’Or។

យ៉ាង​ណា​មិញ​ម្ចាស់​ពាន Ballon d’Or ច្រើន​ជាង​គេ Lionel Messi ទំនង​ជា​នឹង​មិនមាន​វត្តមាន​ទេ នៅ​ឆ្នាំនេះ។ ពាន Ballon d’Or នេះ​ដែរ នឹង​ត្រូវ​បាន​គេ​ប្រកាស​មុន​ពេល​​ប្រកួត​បាល់ទាត់​ពិភពលោក World Cup 2022។ គេ​គ្រប់​គ្នា​រំពឹង​ថា វា​ជាសមរ​ភូមិ​នៃ​ការ​ប្រកួត​ប្រជែង​រវាង Salah និង Benzema។

ប្រភព: 90 Min