បាល់ទាត់អន្តរជាតិ
Vinicius Jr ថា គ្រប់គ្នានៅ Real Madrid រងចាំឱកាសលេងជាមួយកីឡាករឆ្នើមរូបនេះ
ខ្សែប្រយុទ្ធស្លាបរបស់ក្លឹបអធិរាជស Real Madrid គឺកីឡាករ Vinicius Jr ចង់ឲ្យក្លឹបរបស់ខ្លួនចុះហត្ថលេខាលើ Kylian Mbappe របស់ក្លឹប Paris Saint-Germain ឲ្យបានកាន់តែឆាប់តាមដែលអាចធ្វើទៅបាន។ តារាឆ្នើមសញ្ជាតិប្រេស៊ីលរូបនេះ បានអះអាងថា កីឡាកររបស់ Real Madrid ទាំងអស់ ចង់លេងជាមួយ Kylian Mbappe។
យ៉ាងណាមិញ Vinicius Jr បាននិយាយបន្ថែមដោយពោលសរសើរថា Kylian Mbappe គឺជាកីឡាករល្អបំផុតក្នុងពិភពលោកនាពេលបច្ចុប្បន្ននេះ។ និយាយទៅកាន់កាសែតកីឡាករ L’Equipe តារាឆ្នើមសញ្ជាតិប្រេស៊ីល Vinicius Jr បានលើកឡើងថា៖ “សម្រាប់ Kylian Mbappe ស្ថិតក្នុងស្ថានភាពខុសគ្នា!!!។ សម្រាប់ Jude Bellingham គាត់ដឹងថា គាត់អាចចាកចេញនៅរដូវក្តៅនេះបាន។ ហើយវាពិតជាល្អខ្លាំងណាស់ ប្រសិនបើស្ថានភាពអាចកើតឡើងស្រដៀងគ្នា។ នៅទីនេះគ្រប់គ្នា ចង់លេងជាមួយ Kylian Mbappe។ ខ្ញុំសង្ឃឹមថា វាកើតឡើងនៅថ្ងៃណាមួយ។ គាត់ គឺជាកីឡាករល្អបំផុតម្នាក់ ប្រហែលជាល្អបំផុតនាពេលបច្ចុប្បន្ននេះផងដែរ…”។
គួររំលឹកផងដែរថា Kylian Mbappe ខិតជិតនឹងចាកចេញពី PSG ទៅ Real Madrid ទៅហើយ នាពេលកន្លងមក ប៉ុន្តែអ្វីៗមិនបានសម្រេច ដោយគាត់បន្តស្នាក់នៅជាមួយក្លឹបម្ចាស់ជើងឯក Ligue 1 របស់បារាំងរហូតដល់ពេលនេះ។ កុងត្រារបស់ Kylian Mbappe ជាមួយ PSG នឹងផុតកំណត់នៅចុងបញ្ចប់នៃរដូវកាលនេះ ហើយគាត់មិនទាន់បានចុះកុងត្រាថ្មីនៅឡើយទេ។ យ៉ាងណាយើងនឹងរងចាំមើលថា តើ Kylian Mbappe នឹងចូលរួមជាមួយ Real Madrid នៅចុងបញ្ចប់នៃរដូវកាលនេះ រឺតកុងត្រា ដើម្បីស្នាក់នៅទឹកដីបារាំងបន្តទៀត។
ប្រភព: Dailypost NG
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
ទីបំផុតរកឃើញក្រុមដែលឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ UCL ហើយ
ខ្សែប្រយុទ្ធដ៏ឆ្នើមរបស់ Dortmund បំបែកកំណត់ត្រារបស់ Salah នៅ UCL
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
