ផ្លូវការណ៍: Niklas Sule ចាកចេញ​ពី Bayern Munich ទៅ​ចូល​រួម​ជា​មួយ Borussia Dortmund

កាល​ពី​ម្សិល​មិញ​នេះ ក្លឹបយក្ស​នៅ​អាឡឺម៉ង់ Bayern Munich ​បាន​ប្រកាស​ជា​ផ្លូវ​ការណ៍​អំពី​ការ​ចាកចេញ​របស់​ខ្សែការពារ​កណ្ដាល Niklas Sule ដែល​ទើប​នឹង​ផុត​កុងត្រា​ថ្មីៗ​នេះ ជា​មួយ​ក្លឹប។

ខ្សែការពារ​សញ្ជាតិ​អាឡឺម៉ង់ Niklas Sule បាន​​ចូល​រួម​ជា​មួយ​ក្លឹប​ដែល​ស្ថិត​នៅ Bundesliga ដដែល គឺ​ក្លឹប Borussia Dortmund។

កីឡាករ​រូប​នេះ ត្រូវ​បាន Bayern Munich ចុះ​ហត្ថលេខា​ពី​ក្លឹប TSG Hoffenheim កាល​ពី​ឆ្នាំ 2017។ ដោយ​ឡែក​ខ្សែការពារ Niklas Sule មិន​ធ្លាប់​ទៅ​លេង​នៅ​លីគ​កំពូល​ក្រៅ​ស្រុក​ឡើយ ពោល​គឺ​ចាប់​ទាំង​ពី​ប្រកប​អាជីព​ជា​កីឡាករ​មក គាត់​លេង​តែ​នៅ​ប្រទេស​អាឡឺម៉ង់​ប៉ុណ្ណោះ។

Niklas Sule ធ្លាប់​ឈ្នះពាន UEFA Champions League ម្ដង និង​ឈ្នះពាន Bundesliga ចំនួន 5 ដង ជា​មួយ Bayern Munich។

ប្រភព: Bundesliga